10% staða - NPA Verkstjóri

Ertu peppuð, sveigjanleg og opinhuga manneskja í atvinnuleit?

Þá er ég að leita að þér!

Ég er að leita að NPA aðstoðarverkstjóra í hlutastarf. Notendastýrð persónuleg aðstoð (NPA) byggir á hugmyndafræðinni um sjálfstætt líf. Hugmyndafræðin byggist á rétti fatlaðs fólks til að lifa sjálfstæðu lífi, hafa fulla stjórn á lífi sínu, taka eigin ákvarðanir og hafi rétt á því að búa í og taka þátt samfélaginu án aðgreiningar. Ennfremur að fatlað fólk geti tekið, óháð eðli og alvarleika skerðingar, eigin ákvarðanir, stjórnað eigin aðstoð og mótað eigin lífsstíl.

Ég er hreyfihömluð kona á fertugsaldri, búsett á höfuðborgarsvæðinu. Ég er í námi og vinnu og jafnframt móðir unglings.

Ég þarf aðstoð við að halda utan um NPA þjónustuna og samvinnu við verkstjórn aðstoðarkvenna. Starfið felst í að búa til vaktaplan, og sjá um ýmis starfsmannamál. Líkt og að setja upp vaktaplön og bregðast við veikindum, sjá um samskipti við starfsfólk, aðstoða við ráðningar og fleira sem varðar utanumhald í tengslum við aðstoðarfólk.

Starfið er kjörið meðfram námi eða öðrum tímafrekum en sveigjanlegri verkefnum. Vinnutími er að nær öllu leyti mjög sveigjanlegur og lítillar viðveru krafist í persónu og flest verkefni hægt að vinna við tölvu eða síma.

Starfið er laust strax og starfshlutfall er u.þ.b. 15% eða að jafnaði í kringum 18klst á mánuði.

Þjálfun þarf að hefjast sem fyrst og störf hefjast að henni lokinni.