Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

About

Yfirlæknir á réttar- og öryggisgeðdeildum

Starf yfirlæknis réttar- og öryggisgeðþjónustu Landspítala er laust til umsóknar. Þjónustan samanstendur af tveimur legudeildum og göngudeildarteymi sem sinnir sérhæfðri eftirfylgd og meðferð. Áhersla er á þverfaglegt samstarf í starfseminni. Yfirlæknir er leiðtogi geðlæknaþjónustunnar á einingunni og ber faglega stjórnunarábyrgð. Yfirlæknir gegnir einnig mikilvægu hlutverki í kennslumálum og uppbyggingu vísindastarfs geðþjónustunnar. Næsti yfirmaður er Páll Matthíasson, yfirlæknir meðferðareiningar geðrofssjúkdóma.

Leitað er eftir geðlækni með víðtæka reynslu og hæfni til að leiða þjónustu við sjúklinga, umbótastarf og öryggismál í nánu samstarfi við yfirlækni meðferðareiningar geðrofssjúkdóma, deildarstjóra réttar- og öryggisgeðdeilda, forstöðulækni, framkvæmdastjóra og annað starfsfólk. Gerð er krafa um helgun í starfi faglegs yfirlæknis. Ráðið er í starfið frá 15. nóvember 2024 eða eftir samkomulagi.

Education and requirements

Íslenskt sérfræðileyfi í geðlækningum er skilyrði

Víðtæk reynsla af meðhöndlun ósakhæfra einstaklinga sem og lögræðissviptra einstaklinga æskileg

Framúrskarandi fagleg færni

Leiðtogahæfileikar og geta til að leiða umbótastarf og breytingar

Reynsla af kennslu og vísindastörfum og sýn til framtíðar á þeim sviðum

Jákvætt viðmót og góð hæfni í mannlegum samskiptum

Frumkvæði og metnaður til að ná árangri

Responsibilities

Fagleg ábyrgð á uppbyggingu, skipulagi og þróun geðlækninga á réttar- og öryggisgeðdeildum, þ.m.t. kennslumálum og vísindastarfi, í samráði við yfirlækni á meðferðareiningu geðrofssjúkdóma, forstöðulækni, framkvæmdastjóra geðþjónustu og framkvæmdastjóra lækninga

Vinnur í samstarfi við aðra stjórnendur og starfsfólk að uppbyggingu og þróun þjónustu

Ber ábyrgð á umbótastarfi, setur markmið um öryggis- og gæðastarf og tryggir eftirfylgd

Almenn sérfræðilæknisstörf á réttar- og öryggisgeðdeildum

Sérfræðiráðgjöf á Landspítala og til annarra stofnana og fagaðila

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Fullt starf er bundið við sjúkrahúsið eingöngu sbr. grein 3.2.4 í gildandi kjarasamningi lækna og ríkisins.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðilar

Nauðsynleg fylgiskjöl:

Vottað afrit af prófskírteinum.
Afrit af lækninga- og sérfræðileyfum sem og vottuð afrit af erlendum leyfum (ef við á).
Staðfesting á læknis-, stjórnunar- og kennslustörfum.
Ferilskrá þar sem tilgreind er reynsla af læknis-, kennslu-, vísinda- og stjórnunarstörfum.
Yfirlit yfir birtar ritrýndar vísindagreinar sem umsækjandi er höfundur að. Umsækjandi skal annaðhvort setja upp Google Scholar aðgang og senda vefslóð að síðunni eða senda staðfestingu á birtum greinum á PubMed.
Afrit af umsókn um læknisstöðu hjá Embætti Landlæknis skal fylgja með umsókn. Umsækjandi sækir skjalið , vistar það, fyllir út og sendir með umsókn.
Kynningarbréf með framtíðarsýn umsækjenda varðandi starfið og sérgreinina auk rökstuðnings fyrir hæfni.

Allar umsóknir eru sendar til stöðunefndar lækna skv. 36. gr. laga um heilbrigðisþjónustu, sem hefur aðsetur hjá Embætti landlæknis. Viðtöl verða höfð við umsækjendur og byggist ákvörðun um ráðningu í starfið einnig á þeim auk mati stöðunefndar á innsendum umsóknargögnum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Starfsmerkingar: Heilbrigðisþjónusta: Sérfræðilæknir, yfirlæknir,

Nánari upplýsingar

Páll Matthíasson, pallmatt@landspitali.is,

Geðlækningar öryggis- og réttardeild

v/Kleppsgarð 5

104 Reykjavík

Advertisement published13. September 2024

Application deadline26. September 2024

Location

Kleppsgarðar, 104 Reykjavík

Type of work

Professions

Job Tags

Other jobs (50)