Verkefnastjórar í endurbótum aflstöðva á Norðurlandi

Viltu breyta og bæta?

Við hjá Landsvirkjun leggjum mikla áherslu á að viðhalda og endurbæta aflstöðvar okkar, til að hámarka nýtingu og líftíma búnaðar og mannvirkja. Við leitum að tveimur metnaðarfullum verkefnastjórum á Norðurlandi til að leiða fjölbreytt og krefjandi verkefni tengd endurbótum á vél-, raf- og stjórnbúnaði.

Störfin heyra undir endurbótadeild framkvæmdasviðs og er starfsstöð á Akureyri. Nýtt starfsfólk verður hluti af öflugu teymi reyndra verkefnastjóra og mun leiða verkefni allt frá undirbúningi, hönnun og útboði til framkvæmdar á verkstað. Við leitum að metnaðarfullum einstaklingum með drifkraft, umbótavilja og hæfni til að leysa tæknilega flókin verkefni. Við leggjum sérstaka áherslu á lipurð í samskiptum og samstarfi.