Tónmenntakennari í afleysingar út skólaárið, frá 1. janúar 2025 - Skarðshlíðarskóli

Skarðshlíðarskóli óskar eftir drífandi og kraftmiklum tónmenntarkennara í 30 til 50 % starf til að taka þátt í metnaðarfullu skólastarfi með okkur. Ráðið er í stöðuna frá 1. janúar 2025 og út skólaárið.

Í Skarðshlíðarskóla eru áhugasamir og skemmtilegir nemendur, metnaðarfullt starfsfólk og öflugur foreldrahópur. Við leggjum áherslu á góðan starfsanda, teymiskennslu, fjölbreytta kennsluhætti, SMT skólafærni og að allir nemendur nái góðum árangri í leik og starfi. Mílan er órjúfanlegur hluti af skólastarfinu en í því felst að nemendur og starfsfólk fer út daglega og gengur, skokkar eða hleypur í 15 mínútur.

Gildi skólans eru samvinna, vinátta og þrautseigja.

Innleiðing á UDL (Universal Design for Learning) hófst haustið 2020. UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám.

Skarðshlíðarskóli er heildstæður grunnskóli með nemendur í 1. til 10.bekk. Nú eru um 460 nemendur í skólanum. Skólahúsnæðið er glæsilegt og er skólinn vel tækjum búinn, með íþróttahús, útibú frá Tónlistarskóla Hafnarfjarðar og fjögurra deilda leikskóli í samtengdu skólahúsnæði. Í haust hefst öflugt samstarfsverkefni milli leik, grunn og tónlistarskóla.

Helstu verkefni og ábyrgð:

• Tónmenntakennsla í grunnskólanum
• Tónmenntakennsla í leikskólanum
• Halda utan um samstarfsverkefni leik-, grunn- og tónlistarskólans
• Taka þátt í uppbyggingu á nýju og skólasamfélagi í samvinnu við stjórnendur
• Önnur verkefni skv. starfslýsingu og sem yfirmaður felur starfsmanni

Hæfniskröfur:

• Leyfisbréf til kennslu (leyfisbréf skal fylgja umsókn)
• Haldgóð þekking á kennslufræði tónmenntakennslu
• Leikni í fjölbreyttum kennsluháttum, námaðlögun og samþættingu
• Áhugi á að starfa með börnum og ungmennum
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góða íslenskukunnátta

Skilyrði við ráðningu er að viðkomandi hafi hreint sakavottorð.

Nánari upplýsingar veitir Ingibjörg Magnúsdóttir, skólastjóri, í síma 6645871/ ingibjorg@skardshlidarskoli.is

Umsóknarfrestur hefur verið framlengdur og er til og með 3. desember 2024.

Greinagóð ferilsskrá fylgi umsókn.

Launakjör eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.