Deildarstjóri í sértækt búsetuúrræði

Hafnarfjarðarbær óskar eftir að ráða öflugan deildarstjóra í sértækt búsetuúrræði. Um er að ræða starf sem unnið er í dagvinnu. Við óskum eftir einstaklingi sem hefur framúrskarandi samskiptahæfileika, með drífandi áhuga á málefnum fatlaðs fólks og vill hafa gaman í vinnunni og er öðrum starfsmönnum fyrirmynd. Unnið er eftir hugmyndafræði Þjónandi leiðsagnar með áherslu á réttindi fatlaðs fólks.

Helstu verkefni og ábyrgð:

• Ber ábyrgð á skipulagningu, samhæfingu, áætlanagerð, skýrslugerð, upplýsingamiðlun, ráðgjöf og fræðslu
• Veitir starfsmönnum fræðslu og handleiðslu
• Framfylgir hlutverki og markmiðum starfsstöðvar
• Hefur yfirumsjón yfir faglegu starfi og tekur þátt í að þróa og yfirfara verkferla
• Veitir fötluðu fólki stuðning og ráðgjöf við athafnir daglegs lífs
• Tekur virkan þátt í þróunarvinnu
• Umsjón með bókhaldi
• Er staðgengill forstöðumanns í hans fjarveru
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• Starfsleyfi sem þroskaþjálfi eða BA/BS gráða á sviði heilbrigðis- eða félagsvísinda
• Þekking og reynsla af starfi með fötluðu fólki
• Stjórnunarreynsla æskileg
• Reynsla og þekking af teymisvinnu æskileg
• Mikilvægir eiginleikar eru sveigjanleiki, samviskusemi, lipurð og jákvætt viðhorf
• Hæfni í mannlegum samskiptum
• Frumkvæði, skipulagshæfni og sjálfstæði í vinnubrögðum
• Faglegur metnaður í starfi og áhugi á málefnum fatlaðs fólks
• Starfið krefst góðs líkamlegs atgervis
• Íslenskukunnátta skilyrði

Skilyrði er að viðkomandi hafi hreint sakavottorð.

Frekari upplýsingar um starfið veitir Berglind Brynjarsdóttir forstöðukona í síma: 544-2360 netfang: berglindbr@hafnarfjordur.is

Launakjör eru samkvæmt kjarasamningum Sambands íslenskra sveitarfélaga og BHM.

Umsóknarfrestur er til og með 25.nóvember 2024.

Umsókn fylgi greinargóð ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.