Sérkennsla í Vinagerði

Sérkennari óskast í leikskólann Vinagerði þar sem Reggio stefnan er í forgrunni og litið er á hvert barn sem einstakt og sem mikilhæfa manneskju. Sérkennari sér m.a. um atferlisþjálfun, leiðsögn og stuðning við börn með sérþarfir inni á deild.

Í Vinagerði er fjölmenningarlegt samfélag barna og starfsfólks sem vinnur eftir gildunum gleði, hvatning og nærgætni. Sérkennari sér um ráðgjöf og eftirfylgd á námi og leik barna sem þurfa sértæka aðstoð og umönnun inn á deild. Unnið er í teymisvinnu þar sem allir hjálpast að og leiðsögn er fengin frá sérkennslustjóra og sérfræðingum frá Norðurmiðstöð.

Vinagerði er þriggja deilda leikskóli með 60 börnum og starfar í anda Reggio Emilia. Við höfum nýlega lokið þróunarverkefni með 5 öðrum skólum í innleiðingu á Barnasáttmála Sameinuðu þjóðanna og erum því orðin að Réttindaskóla. Leikskólinn er í gamalgrónu hverfi miðsvæðis í Reykjavík. Í nánasta umhverfi eru fallegar gönguleiðir og staðir sem gaman er að njóta.

Áhersla er lögð á skapandi starf, flæði, frjálsan leik og að umhverfi barnanna veki forvitni og vellíðan. Við nýtum skapandi og náttúrulegan efnivið en auk þess er boðið upp á gott úrval af vönduðu leikefni bæði innan dyra og utan. Útileiksvæði er gott og vel skipulagt. Í Vinagerði starfar metnaðarfullur hópur af fólki með fjölbreytta menntun. Við leggjum mikla áherslu á góðan starfsanda og samvinnu. Við erum einn leikskóli og störfum því sem heild.

Við hvetjum alla áhugasama til að koma í heimsókn og kíkja á heimasíðuna www.vinagerdi.is ásamt instagramsíðuna okkar.

Hjá okkur færð þú frían hádegismat og átt rétt á sund- og menningarkorti. Auk þess er 36 stund vinnuvika og samgöngustyrkur.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Starfið er laust strax.