Deildarstjóri leikskólinn Miðborg

Við leitum að deildarstjóra í nýjustu starfstöðina okkar sem heitir Vörðuborg og er staðsett við Barónsstíg 34.
Mikilvægt er að hann sé með opið hugarfar og hafi áhuga eða reynslu að því að vinna eftir hugmyndafræði sálfræðingsins Mihaly Csikszentmihalyi um flæði.

Miðborg er 10 deilda leikskóli í þremur húsum í miðbæ Reykjavíkur.
Nálægðin við miðbæinn ýtir undir fjölmenningarlegt, fjölbreytt og skemmtilegt starf. Mikil gróska er í Miðborg og spennandi tímar framundan. Við leggjum áherslu á sjálfssprottinn leik þar sem hugmyndafræðin um flæði er í forgrunni. Að mynda góð tengsl við börn og foreldra skiptir okkur miklu máli svo við getum öll blómstrað í öruggu umhverfi.