Flataskóli

Flataskóli er heilsueflandi grænfánaskóli með um 320 nemendur í 1.-7. bekk. Flataskóli er einn af fyrstu réttindaskólum UNICEF á Íslandi og vinnur markvisst með Barnasáttmála Sameinuðu þjóðanna. Gildi skólans eru menntun, árangur og ánægja.

About

Flataskóli auglýsir eftir umsjónarkennara í 6.bekkjar teymi

Í Flataskóla er laust til umsóknar starf umsjónarkennara í 6.bekk út skólaárið 2023 - 2024

Í Flataskóla er mikill faglegur metnaður og áhersla lögð á notalegt andrúmsloft, umhyggju og góðan árangur. Í skólanum eru persónuleg samskipti milli nemenda, starfsfólks og foreldra. Samvinna er mikil og góð á milli allra þeirra sem starfa í skólanum. Í skólanum ríkir góður starfsandi og boðið er upp á gott starfsumhverfi.

Í skólanum starfa um 300 nemendur í 1. - 7. bekk og um 50 starfsmenn. Staðan sem um ræðir er umsjónarkennsla í 6. bekk en þangað vantar þriðja kennarann til að leysa af vegna fæðingarorlofs. Lögð er áhersla á fámenna nemendahópa og gott samstarf milli starfsfólks. Flataskóli er Réttindaskóli Unicef og leggur áherslu á leiðsagnarnám.

Helstu verkefni og ábyrgð

Sinnir kennslu og hefur umsjón með nemendum
Skipuleggur nám og kennslu nemenda
Fylgist með námi og þroska allra nemenda sinna og leitast við að skapa aðstæður sem eru hvetjandi til náms og þroska
Vinnur að skólaþróun með stjórnendum og samstarfsmönnum, m.a. innleiðingu á námsmenningu leiðsagnarnáms
Stuðlar að velferð nemenda í samstarfi við fagfólk skólans og forráðamenn
Þátttaka í teymisvinnu

Menntunar- og hæfniskröfur

Leyfisbréf til kennslu (leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Reynsla af kennslu í grunnskóla
Lipurð, þolinmæði og færni í mannlegum samskiptum ásamt metnaði í starfi
Frumkvæði, skipulagshæfni, stundvísi og sjálfstæði í vinnubrögðum
Áhugi á skólaþróun
Íslenskukunnátta á stigi C1 samkvæmt evrópska tungumálarammanum
Góð færni í upplýsingatækni

Hlunnindi í starfi

Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
Menningarkort fyrir starfsmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn

Umsóknarfrestur er til og með 28. nóvember 2024. Upphafsdagur ráðningar er samkomulagsatriði en í síðasta lagi frá 1.janúar.

Nánari upplýsingar um starfið veitir H. Hanna Friðriksdóttir, skólastjóri með tölvupósti á netfangið heidveigf@flataskoli.is. Sími Flataskóla er 5133500.

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands.

Áhugasamir einstaklingar, án tillits til kyns, eru hvattir til að sækja um.

Advertisement published15. November 2024

Application deadline28. November 2024

Language skills