Seltjarnarnesbær

Á Seltjarnarnesi búa um 4700 manns og leggur Seltjarnarnesbær áherslu á að tryggja íbúum góða alhliða þjónustu.

Þroskaþjálfi / atferlisráðgjafi - Való

Valhúsaskóli óskar eftir að ráða þroskaþjálfa eða atferlisráðgjafa fyrir komandi skólaár. Viðkomandi aðili er viðbót við góðan hóp starfsmanna í stoðþjónustu skólans. Við leitum eftir samviskusömum, glöðum og duglegum aðila sem vinnur vel í hóp og er tilbúinn að mæta nemendum okkar á þeim stað sem þau eru.

Helstu verkefni og ábyrgð

Að veita nemendum með sérþarfir þjálfun, leiðsögn og stuðning
Vinna með félagsfærni og aðlaga námefni og námsaðstæður
Vinna að gerð sjónræns skipulags fyrir nemendur
Vinna að gerð einstaklingsnámskráa í samstarfi við kennara og deildarstjóra
Stuðla að velferð nemenda í samstarfi við foreldra og annað fagfólk
Vinna eftir uppeldis- og samskiptastefnu skólans, Uppeldi til ábyrgðar
Skýr skuldbinding gagnvart stefnu og áherslum skólans

Menntunar- og hæfniskröfur

Háskólamenntun á sviði þroskaþjálfunar og starfsleyfi sem slíkur
Þekking á skipulagðri kennslu (TEACCH)
Lipurð í samskiptum, sveigjanleiki og samstarfshæfni
Frumkvæði og sjálfstæði í vinnubrögðum
Jákvæðni og áhugi á að starfa í skapandi og metnaðarfullu umhverfi
Stundvísi og samviskusemi
Mjög góð íslenskukunnátta

Fríðindi í starfi

Heilsuræktarstyrkur
Samgöngustyrkur
Bókasafnskort
Sundkort

Í Valhúsaskóla eru um 240 nemendur í 7. – 10. bekk. Við skólann starfa um 50 manns og hefur skólinn á að skipa reynslumiklu og hæfu starfsfólki. Skólinn starfar samkvæmt hugmyndafræði Uppeldis til ábyrgðar – uppbyggingu sjálfsaga, sem stuðlar að jákvæðum samskiptum, hvetur til sjálfstæðrar hugsunar og þroskar jákvætt gildismat. Góð samskipti og samstarf starfsfólks, nemenda, foreldra og annarra samstarfsaðila er forsenda þess að vel takist til við að byggja upp gott og mannvænt samfélag. Einkunnarorð skólans eru virðing - ábyrgð - vellíðan og er lögð áhersla á að þau einkenni skólastarfið. Lögð er áhersla á samfelldan skóladag nemenda og öruggt umhverfi. Skólinn er í miklu samstarfi við Tónlistarskóla Seltjarnarness, félagsmiðstöðina Selið og íþróttafélagið Gróttu.

Vakin er athygli á að störfin henta öllum kynjum.

Launakjör eru samkvæmt kjarasamningi Sambands íslenskra sveitarfélaga við Kennarasamband Íslands.

Gerð er krafa um hreint sakavottorð við ráðningu.

Upplýsingar um starfið/störfin veitir Svala Baldursdóttir, aðstoðarskólastjóri [email protected] í síma 595-9250.

Umsókn ásamt fylgiskjölum skal skilað á Ráðningarvef Seltjarnarnesbæjar undir seltjarnarnes.is - Störf í boði.

Umsóknarfrestur er til og með 25. apríl 2025.

Ráðið verður í stöðuna frá og með 1. ágúst 2025.

Advertisement published11. April 2025

Application deadline25. April 2025

Language skills