VIRK Starfsendurhæfingarsjóður

Hlutverk VIRK er að efla starfsgetu einstaklinga með heilsubrest sem stefna að aukinni þátttöku á vinnumarkaði. VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar. Að VIRK standa öll helstu samtök launamanna og atvinnurekenda á vinnumarkaði. VIRK er metnaðarfullur vinnustaður þar sem lögð er áhersla á jákvæðan starfsanda og sterka liðsheild. VIRK kappkostar að skapa jákvæða menningu með traustu fagfólki. Gildi VIRK eru Fagmennska, Virðing og Metnaður og er starfsfólk hvatt til að hafa gildin að leiðarljósi í störfum sínum.

About

Þjónustufulltrúi hjá VIRK

VIRK leitar að jákvæðum, þjónustulunduðum og metnaðarfullum einstaklingi í starf þjónustufulltrúa. Viðkomandi þarf að geta tekist á við fjölbreytt, mikilvægt og gefandi starf í þjónustuveri VIRK. Um er að ræða þjónustu, upplýsingagjöf og leiðsögn við einstaklinga í þjónustu hjá VIRK. Í starfinu felast einnig ýmis skrifstofustörf, innkaup og önnur verkefni sem snúa að innra starfi VIRK.

Um er að ræða 80-100% starf. Vinnutími er frá kl. 8:00 – 16:00 mánudaga – fimmtudaga og frá kl. 8:00 – 15:00 föstudaga.

Æskilegt er að starfsmaður geti byrjað sem fyrst.

Farið er með allar umsóknir sem trúnaðarmál og öllum umsóknum verður svarað.

Helstu verkefni og ábyrgð

Þjónusta, upplýsingagjöf og leiðsögn fyrir einstaklinga í þjónustu
Símsvörun, miðlun upplýsinga, móttaka erinda og skráning í kerfi VIRK
Úthringingar og bókanir vegna viðtala
Umsjón með biðstofum, fundarherbergjum og kaffistofu
Innkaup og ferðapantanir
Ýmis verkefni sem snúa að viðburðum og innra starfi VIRK
Ýmis önnur tilfallandi verkefni í samstarfi við yfirmann

Menntunar- og hæfniskröfur

Menntun í heilbrigðisgagnafræði eða önnur menntun sem nýtist í starfi
Rík þjónustulund, jákvætt viðhorf og sveigjanleiki
Reynsla af því að vinna með persónuupplýsingar
Góð stafræn hæfni, reynsla af skráningarvinnu æskileg
Frumkvæði og sjálfstæð vinnubrögð
Mjög góð samskipta- og samstarfshæfni
Trúnaður, heilindi og metnaður í starfi
Góð kunnátta í íslensku og ensku í töluðu og rituðu máli
Hreint sakavottorð

Umsóknarfrestur til og með 4. janúar 2026. Umsóknir skulu sendar í gegnum alfred.is.

Umsókn þarf að fylgja starfsferilskrá og kynningarbréf  þar sem á skýran hátt er gerð grein fyrir af hverju sótt er um starfið og hvernig viðkomandi uppfyllir hæfniskröfur starfsins.
Nánari upplýsinga er hægt að óska eftir í gegnum netfangið [email protected]

__________________________________________________________________

Hlutverk VIRK er að efla starfsgetu einstaklinga með heilsubrest sem stefna að aukinni þátttöku á vinnumarkaði.

VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar. Að VIRK standa öll helstu samtök launamanna og atvinnurekenda á vinnumarkaði.

VIRK er metnaðarfullur vinnustaður þar sem lögð er áhersla á jákvæðan starfsanda og sterka liðsheild. VIRK kappkostar að skapa jákvæða menningu með traustu fagfólki. Gildi VIRK eru Fagmennska, Virðing og Metnaður og er starfsfólk hvatt til að hafa gildin að leiðarljósi í störfum sínum.

Advertisement published11. December 2025

Application deadline4. January 2026

Language skills