Vélafl ehf

Þjónustusérfræðingur

Vélafl ehf. óskar eftir að ráða þjónustusérfræðing með þekkingu á ábyrgðarmálum sem og aðra reynslu sem nýst getur vel í starfi. Viðkomandi þarf að búa yfir góðri samskiptafærni og getu til að vinna að tæknilegum úrlausnarefnum í tengslum við þær vinnuvélar sem fyrirtækið þjónustar. Jafnframt er nauðsynlegt að viðkomandi hafi góða almenna tölvukunnáttu. Starfið felur í sér mikil samskipti við innlenda viðskiptavini sem og erlenda birgja.

Helstu verkefni og ábyrgð

Umsjón og ábyrgð á ábyrgðarmálum gagnvart framleiðendum
Samskipti við framleiðendur vegna tæknilegra vandamála
Samskipti við erlenda birgja og innlenda viðskiptavini
Bestun þjónustuferla og utanumhald þjálfunar hjá birgjum
Umsjón með aðgöngum hjá erlendum birgjum
Reikningaútskrift, kostnaðargreiningar og önnur tengd verkefni

Viðkomandi þarf að geta starfað sjálfstætt, sýnt frumkvæði, búa yfir góðri þjónustulund og geta tjáð sig vel á íslensku og ensku. Þekking á vinnuvélum og tengdum búnaði er mikill kostur.

Um fullt starf er að ræða og er æskilegt að viðkomandi geti hafið störf sem fyrst.

Vélafl ehf er umboðsaðili fyrir margra af fremstu vinnuvélaframleiðendum heims s.s. Hitachi, Metso, Furukawa, Hyundai og Bomag. Fyrirtækið býður upp á breitt úrval vinnuvéla og aukahluta, hefur verið starfandi á vinnuvélamarkaði frá árinu 1998 og býr yfir mikilli sérfræðiþekkingu. Höfuðstöðvar eru að Rauðhellu 11 í Hafnarfirði en þar eru söluskrifstofur, varahlutaverslun og verkstæði.

Advertisement published11. December 2025

Application deadlineNo deadline

Language skills