Tæknilegur bókari

Sessor er óháð ráðgjafar - og þjónustufyrirtæki á sviði upplýsingatækni, fjármála og rekstrar. Við sérhæfum okkur í að móta heildarlausnir sem tengja saman rekstur, tækni og fjármál — með það að markmiði að bæta árangur og lækka heildarkostnað viðskiptavina.

Við erum með skrifstofur í Kópavogi, Vestmannaeyjum og á Húsavík, og saman vinnum við að fjölbreyttum verkefnum með ólíku fólki þar sem reynsla og sjónarhorn hvers og eins styrkja heildina.

Við leggjum ríka áherslu á persónulegan og faglegan vöxt hjá starfsfólki okkar. Með fjölbreyttum tækifærum til náms og þróunar styðjum við hvert og eitt þeirra í að ná fram sinni bestu frammistöðu og blómstra í starfi. Við trúum að með því að rækta góð samskipti og efla samvinnu innan fyrirtækisins sköpum við umgjörð þar sem nýjar hugmyndir kvikna og lausnir verða til.

Sessor leitar stöðugt að nýju starfsfólki sem samsamar sig okkar gildum og vill leggja sitt af mörkum til að móta framtíðina. Ef þú hefur ástríðu fyrir tækni og nýsköpun og ert klár í að mæta krefjandi verkefnum í örvandi umhverfi, þá hvetjum við þig til að sækja um.

Við skoðum umsóknir jafnóðum og þær berast. 

Frekari upplýsingar veitir Björg Hjaltested í tölvupósti [email protected].