Bílaumboðið Askja

Bílaumboðið Askja er framsækið þjónustufyrirtæki sem sérhæfir sig í sölu og þjónustu á nýjum og notuðum bifreiðum frá Mercedes-Benz, Kia, Honda og smart ásamt þjónustu og viðhaldi fyrir viðskiptavini Öskju, bæði til einstaklinga og fyrirtækja. Við vitum að eitt mesta virði okkar felst í góðum mannauð. Hjá Öskju starfar samheldin og fjölbreyttur hópur sem býr yfir brennandi áhuga í sínu fagi, framúrskarandi þjónustulund og metnaði til ná árangri. Askja býður upp á fyrirmyndaraðstöðu fyrir starfsfólk, eitt fullkomnasta bifreiðaverkstæði landsins, glæsilega sýningarsali og varahlutaþjónustu. Lögð er sérstök áhersla á að skapa menningu sem einkennist af gleði, samvinnu og sveigjanleika. Markmið fyrirtækisins er að vera leiðandi í þjónustu til viðskiptavina með því að veita starfsfólki stuðning og skapa því umhverfi sem byggir á metnaði, fagmennsku og heiðarleika. Askja er staðsett á Krókhálsi í þremur húsnæðum. Askja notaðir bílar eru á Krókhálsi 7 þar sem við bjóðum upp á úrval notaðra bíla frá öllum bílaframleiðendum. Sýningarsalur Mercedes-Benz og smart er á Krókhálsi 11 ásamt höfuðstöðvum Öskju og skrifstofu og svo sýningarsalur Kia og Honda á Krókhálsi 13.

About

Forstöðumaður reikningshalds

Við leitum að öflugum forstöðumanni reikningshalds til að leiða áframhaldandi uppbyggingu og þróun bókhalds- og fjármála hjá Bílaumboðinu Öskju, Dekkjahöllinni, Landfara og Bílaumboðinu Unu. Félögin eru dótturfélög Inchcape á Íslandi sem er hluti af alþjóðlega fyrirtækinu Inchcape Plc sem sérhæfir sig í sölu og dreifingu á bifreiðum og er skráð í kauphöllina í London. Inchcape sem er leiðandi fyrirtæki á sínu sviði starfar á 38 mörkuðum með yfir 16.000 starfsmenn og vinnur með stærstu bílaframleiðendum heims.

Um er að ræða nýtt starf sem felur í sér að styrkja innra eftirlit, tryggja eftirfylgni með alþjóðlegum reikningsskilum og styðja við stjórnendur. Starfið felur í sér ábyrgð á þróun bókhalds, þar með talið skatta- og innra eftirliti og aðlögun að stöðlum og stefnum sem Inchcape setur.

Við leitum að einstaklingi sem er lausnamiðaður, hefur áhuga á þróun ferla og býr yfir mikilli samstarfs- og leiðtogahæfni.

Helstu verkefni og ábyrgð

Stýra bókhaldsferlum, skattamálum og mánaðaruppgjörum í samræmi við íslensk lög, alþjóðlega reikiningsskilastaðla og innri reglur Inchcape.
Skila ársreikningum og lögbundnum skýrslum til stjórnvalda og samskipti við endurskoðendur
Þróun innra eftirlits og eftirfylgni með framkvæmd þess í rekstrinum
Halda utan um innri og ytri endurskoðun, tryggja skilvirkt innra eftirlit og að samræmdum verklagsreglum sé fylgt
Annast skattaskil, m.a. virðisaukaskatt og tekjuskatt og fylgja eftir breytingum á lögum
Veita stjórnendum upplýsingar um breytingar á skattalöggjöf eða aðra þætti sem hafa áhrif á reikningsskil fyrirtækisins
Samskipti við stjórnendur samstæðunnar

Menntunar- og hæfniskröfur

Þekking og reynsla af uppgjörum samkvæmt alþjóðlegum og íslenskum reikningsskilareglum
Viðeigandi menntun, s.s. viðskiptafræði eða meistaragráða í endurskoðun og reikningsskilum
Yfirgripsmikil þekking og reynsla af vinnu við bókhald og uppgjör
Þekking á íslenskum skattalögum
Reynsla af samstarfi við endurskoðendur og góð þekking á innra eftirliti
Skipulagshæfni, nákvæmni og hæfni til að leiða umbótaverkefni
Góð íslensku- og enskukunnátta

Um er að ræða 100% framtíðarstarf. Nánari upplýsingar um starfið veitir Jónas Guðbjörnsson fjármálastjóri [email protected]

Umsókn skal fylgja ítarleg ferilskrá ásamt kynningarbréfi sem lýsir hæfni umsækjanda til að gegna starfinu.

Advertisement published27. August 2025

Application deadline5. September 2025

Language skills