Húsatóftir ehf

Brim hf. hefur fyrir hönd nýstofnaðs dótturfélags keypt eignir þrotabús Matorku ehf og ber nýtt félag heitið Húsatóftir. Matorka hefur í áraraðir sérhæft sig í landeldi á bleikju og byggir starfsemin á þeirri þekkingu og reynslu. Nýtt félag hyggst byggja áfram á þeim grunni sem þegar hefur verið lagður, með áherslu á hagkvæman rekstur, vörugæði og sjálfbæran vöxt. Með aðkomu Brim skapast jafnframt tækifæri til að nýta víðtæka reynslu félagsins af matvælaframleiðslu, vinnslu og markaðssetningu.

About

Rekstrarstjóri fiskeldis

Nýtt félag á vegum Brim, Húsatóftir ehf, leitar að öflugum og drífandi rekstrarstjóra til að leiða starfsemi félagsins og taka þátt í uppbyggingu þess til framtíðar. Starfsemin byggir á rekstri i landeldisfyrirtækisins Matorku.

Rekstrarstjóri hefur yfirumsjón með starfseminni í Grindavík og Fellsmúla, Landssveit, með megináherslu á starfsstöðina í Grindavík. Við leitum að framsýnum aðila sem hefur áhuga á að skapa traustan rekstrargrundvöll, þróa starfsemina og tryggja skilvirkan og hagkvæman rekstur.

Um er að ræða spennandi tækifæri fyrir einstakling með reynslu af fiskeldi og stjórnun, en starfið felur í sér fjölbreytta ábyrgð á rekstri, framleiðslu og mannauðsmálum. Áhersla er lögð á virka þátttöku í daglegum rekstri, öflug samskipti við starfsfólk og uppbyggingu jákvæðrar vinnustaðamenningar þar sem fagmennska, samstarf og stöðugar umbætur eru í fyrirrúmi.

Helstu verkefni og ábyrgð

Ábyrgð á daglegum rekstri starfsstöðva félagsins í Grindavík og Landssveit
Stjórnun framleiðslu og daglegra verkefna
Leiða, styðja og þróa starfsfólk og stuðla að góðri liðsheild og jákvæðri vinnustaðamenningu
Tryggja skilvirka nýtingu mannafla, fjármuna og búnaðar
Fylgja eftir rekstraráætlunum, kostnaði og framleiðslumarkmiðum
Stuðla að umbótum á verklagi, verkferlum og skipulagi starfseminnar
Tryggja að starfsemin uppfylli kröfur um gæði, öryggi, fiskivelferð og umhverfismál
Vinna náið með forstjóra, stjórn og öðrum stjórnendum að þróun og uppbyggingu félagsins
Vera sýnilegur í starfseminni og eiga góð og regluleg samskipti við starfsfólk

Menntunar- og hæfniskröfur

Reynsla af fiskeldi eða tengdri starfsemi er skilyrði
Menntun sem nýtist í starfi
Reynsla af rekstri og stjórnun, einkum á sviði framleiðslu eða fiskeldis
Góð rekstrarleg og fjárhagsleg yfirsýn
Þekking á framleiðsluferlum og tæknilegum þáttum fiskeldis
Samskipta- og leiðtogahæfni
Frumkvæði, sjálfstæði og skipulögð vinnubrögð
Lausnamiðuð nálgun og vilji til að taka þátt í fjölbreyttum verkefnum
Góð íslensku- og enskukunnátta, norðurlandamál er kostur

Nýtt félag hyggst byggja áfram á þeim grunni sem þegar hefur verið lagður, með áherslu á hagkvæman rekstur, vörugæði og sjálfbæran vöxt. Með aðkomu Brim skapast jafnframt tækifæri til að nýta víðtæka reynslu félagsins af matvælaframleiðslu, vinnslu og markaðssetningu.

Nánari upplýsingar

Stefanía Hildur Ásmundsdóttir – [email protected]

Advertisement published13. November 2026

Application deadline27. November 2026

Language skills