Neyðarlínan

Neyðarlínan ohf. var stofnuð í október 1995 og hóf neyðarsímsvörun í 112 1. janúar 1996. Rekstur neyðarnúmersins 112 og tengdrar þjónustu eru enn megin viðfangsefni fyrirtækisins. Auk þess annaðist Neyðarlínan rekstur stjórnstöðvar Securitas frá sama tíma og þar til í október 2008.

About

Netsérfræðingur

Neyðarlínan óskar eftir reyndum netsérfræðingi til að sinna þróun og rekstri umfangsmikilla netkerfa um land allt. Í starfi sínu mun netsérfræðingur gegna lykilhlutverki í þróun, rekstri og öryggismálum netkerfa sem eru grundvallaratriði fyrir almannaöryggi. Netsérfræðingum gefst tækifæri til að hafa áhrif og móta starfið.

Helstu verkefni og ábyrgð

Þátttaka í almennum tæknilegum verkefnum tengdum netkerfum félagsins, viðhaldi þeirra, uppbyggingu og endurnýjun
Leiða framþróun netkerfa til næstu kynslóðar
Taka þátt í og leiða ný verkefni á sviði öruggra upplýsingasamskipta
Taka þátt í stafrænni þróun og innleiðingu nýjunga í fjarskipta- og upplýsingatækni ásamt net- og upplýsingaöryggi
Önnur tilfallandi verkefni

Menntunar- og hæfniskröfur

Menntun sem nýtist í starfi, t.d. tölvunar-, tækni- eða verkfræði
Reynsla af sambærilegu starfi
Þekking á uppbyggingu, samþættingu og rekstri stórra netkerfa
Kunnátta á samskiptareglum, nethögun og öryggi netkerfa
Sérmenntun í net- og samskiptatækni t.d. CCNP, CCDP, CCIE eða CCDE er kostur
Frumkvæði og áhugi á nýjungum í netkerfum og upplýsingaöryggi
Metnaður til að gegna mikilvægu hlutverki í síbreytilegu umhverfi
Geta til að vinna bæði sjálfstætt og í hóp
Góðir samskiptahæfileikar og hæfni til að vinna vel undir álagi
Hreint sakavottorð

Neyðarlínan rekur umfangsmikil upplýsingakerfi og fjarskiptabúnað um allt land með miðstöð kerfa í Reykjavík. Starfsvettvangur er að mestu leyti í Reykjavík en starfinu geta fylgt ferðalög. Mikil áhersla er lögð á öruggan rekstur kerfa og fyrirbyggjandi viðhald. Viðkomandi starfsmaður munu fá þjálfun til að öðlast nauðsynlega þekkingu á kerfum félagsins og fá tækifæri til fylgjast með því sem er að gerast í heimi upplýsinganeta. Á næstu misserum verða innleidd næstu kynslóðir neyðarkerfa sem byggja á öflugum netkerfum og mun viðkomandi taka þátt í innleiðingu þeirra.

Markmið Neyðarlínunnar er að vera traustur vinnustaður fyrir hæft starfsfólk þar sem þjónustuvilji og hröð og skjót viðbrögð fara saman. Neyðarlínan leggur mikla áherslu á faglega þekkingu starfsmanna og fjárfestir í fræðslu og þjálfun með skýr markmið í huga.

Nánari upplýsingar:

Hallveig Hafstað Haraldsdóttir, hallveig@hagvangur.is

Advertisement published19. December 2024

Application deadline6. January 2025

Language skills