Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

About

Mannauðsstjóri

Reykjanesbær auglýsir lausa til umsóknar stöðu mannauðsstjóra Reykjanesbæjar. Reykjanesbær er fjórða stærsta sveitarfélagið með tilliti til íbúatölu. Leitað er að reynslumiklum aðila sem býr yfir framúrskarandi samskiptafærni, en um er að ræða lykilhlutverk í mótun og framkvæmd mannauðsstefnu sveitarfélagsins. Mannauðsstjóri leiðir þróun og framkvæmd mannauðsmála og veitir stjórnendum og starfsfólki Reykjanesbæjar stuðning. Mannauðsstjóri leiðir Mannauð og starfsumhverfi sem heyrir undir Fjármála- og stjórnsýslusvið.

Helstu verkefni og ábyrgð

Ábyrgð á innleiðingu og eftirfylgni mannauðs-, fræðslu- og jafnlaunastefnu
Ábyrgð á stefnu, forvarnar- og viðbragðsáætlun vegna eineltis, kynbundinnar áreitni, kynferðislegrar áreitni og ofbeldi
Ráðgjöf og stuðningur við stjórnendur og starfsfólk í mannauðs- og kjaramálum
Launasetning, gerð ráðningasamninga og innleiðing kjarasamninga
Ábyrgð og umsjón með jafnlaunavottun og jafnlaunaúttekt
Vinnuvernd, heilsa og öryggi starfsfólks
Ábyrgð á ráðningarferli og nýliðaþjálfun í samstarfi við stjórnendur
Umsjón og eftirfylgni með framkvæmd vinnustaðagreininga
Þátttaka í vinnslu fjárhagsáætlana með áherslu á launaáætlun
Önnur verkefni í tengslum við mannauðsmál sveitarfélagsins

Menntunar- og hæfniskröfur

Háskólamenntun í mannauðsstjórnun
Háskólapróf í opinberri stjórnsýslu æskilegt
Starfsreynsla á sviði mannauðsmála er skilyrði
Þekking og reynsla af launavinnslu og jafnlaunavottun er æskileg
Þekking á kjarasamningum og opinberri stjórnsýslu er æskileg
Þekking og reynsla af launaáætlanagerð er æskileg
Leiðtogafærni, frumkvæði og geta til að vinna sjálfstætt
Þjónustulund og framúrskarandi hæfni í mannlegum samskiptum
Mjög góð almenn tölvukunnátta er skilyrði, þekking á Kjarna launakerfinu er kostur
Gott vald á íslensku og hæfni til að miðla upplýsingum í ræðu og riti

Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Með umsókn skal fylgja ferilskrá og kynningarbréf umsækjanda. Öllum umsóknum verður svarað að ráðningu lokinni. Sótt er um starfið á www.hagvangur.is

Nánari upplýsingar

Stefanía Hildur Ásmundsdóttir – [email protected]

Advertisement published30. December 2025

Application deadline15. January 2026

Language skills