Grímsnes- og Grafningshreppur

Grímsnes- og Grafningshreppur er samheldið, kraftmikið og drífandi samfélag á besta stað við Gullna hringinn. Hér er margt sem heillar en fátt sem truflar: kyrrð og ró, náttúruperlur við hvert fótmál, dásamleg útivistarsvæði og öll helsta þjónusta annaðhvort á staðnum eða í næsta nágrenni. Í sveitarfélaginu eru tæplega 700 íbúar og um 3400 frístundahús.

About

DEILDARSTJÓRI FJÁRMÁLA OG STJÓRNSÝSLU

Grímsnes- og Grafningshreppur auglýsir laust til umsóknar starf deildarstjóra fjármála og stjórnsýslu.

Um nýtt starf er að ræða og spennandi tækifæri fyrir öflugan og metnaðarfullan aðila til að taka þátt í að þróa starfið.

Helstu verkefni og ábyrgð

Yfirumsjón með bókhaldi og daglegri fjármálastjórn sveitarfélagsins
Undirbúningur, gerð og eftirfylgni fjárhagsáætlana
Yfirumsjón með framlagningu árshlutareikninga og ársreikninga
Greiningarvinna og miðlun upplýsinga
Þátttaka í mótun, þróun og innleiðingu verklags varðandi ábyrga fjármálastjórn og ýmsum öðrum umbótaverkefnum
Ráðgjöf og upplýsingagjöf til stjórnenda í tengslum við stjórnsýsluhætti og rekstur
Þátttaka í stefnumótun og þróunarverkefnum
Ýmis önnur verkefni í samráði við stjórnendur

Menntunar- og hæfniskröfur

Háskólamenntun í viðskiptafræði, hagfræði eða sambærileg menntun, framhaldsmenntun eða mikil hagnýt starfsreynsla æskileg
Víðtæk þekking og reynsla af reikningshaldi áskilin
Haldbær þekking og reynsla af fjárhagsáætlanagerð áskilin
Haldbær þekking og reynsla af rekstrareftirliti og fjármálastjórn
Mikil hæfni í greiningu og framsetningu tölulegra gagna
Þekking og reynsla af þróun og innleiðingu umbótaverkefna á sviði fjármála
Stjórnunarreynsla og þekking á opinberri stjórnsýslu kostur
Góð tölvukunnátta og tæknilæsi, þekking á Wise fjárhagskerfi kostur
Hæfni í að tileinka sér nýja þekkingu og miðla henni áfram
Mjög góð samskipta- og leiðtogahæfni
Frumkvæði og metnaður til að ná árangri í starfi
Góð íslenskukunnátta