Deildarstjóri Business Central þróun

Við leitum að metnaðarfullum og öflugum einstakling til að leiða Business Central þróunarteymi Advania.

Advania er búið að vera í fararbroddi í skýjavæðingu viðskiptakerfa á Íslandi með yfir 300 viðskiptavini í Business Central SaaS. Við erum með háleit markmið fyrir hönd okkar viðskiptavina, ekki bara að bjóða frábærar viðbætur við Business Central heldur einnig að nýta sér alla kosti sem Business Central hefur upp á að bjóða. Advania er með yfir 40 vörur fyrir Business Central aðgengilegar inn á AppSource, markaðstorgi Microsoft.

Við leitum að leiðtoga með okkur í að taka næstu skref í þessari vegferð, leiða þróun, fylgja nýjustu stefnum og straumum og búa til framúrskarandi vörur og þjónustu. Deildarstjóri ber einnig ábyrgð á framþróun starfsmanna og byggja upp og viðhalda sterku og metnaðarfullu teymi.

Starfssvið

Hlutverk deildarstjóra er að leiða hóp sérfræðinga við þróun Business Central lausna, þróa og viðhalda lausnir Advania og séraðlaganir viðskiptavina. Deildarstjóri ber einnig ábyrgð á þróun viðskiptasambanda og almennum rekstri deildarinnar.

Advania leitar að drífandi og framsæknum leiðtoga með brennandi áhuga fyrir því að sjá fólk vaxa og að skapa öflug teymi sem stuðla að framúrskarandi upplifun fyrir viðskiptavini viðskiptalausna.

Hæfnikröfur

• Háskólamenntun sem nýtist í starfi, t.d. tölvunar- eða hugbúnaðarverkfræði
• Þekking og reynsla af Business Central/NAV
• Reynsla af hugbúnaðargerð
• Þekking á Power Platform kostur
• Yfirburða tækniþekking
• Áhugi á að takast á við nýjar áskoranir
• Metnaður og áhugi á að gera vel
• Þekking á AppSource og SaaS er kostur
• Þekking á Business Central og NAV gagnaflutningum og gagnauppfærslum er kostur