Viðskiptastjóri í söludeild

Pósturinn leitar að öflugum viðskiptastjóra sem getur tekist á við áhugaverð verkefni. Um tímabundna ráðningu er að ræða.

Okkur vantar sterkan liðsmann í hópinn til að efla enn frekar þjónustu og sölu til viðskiptavina okkar. Ef þú hefur áhuga á samskiptum, netverslun, fyrirtækjasölu, ert metnaðarfullur einstaklingur sem kannt vel við þig í hröðu umhverfi þar sem reynir á frumkvæði og þjónustulund, þá viljum við heyra í þér.

Viðkomandi mun starfa þétt með sterku teymi þvert á fyrirtækið og koma að fjölbreyttum sóknar- og markaðsverkefnum. Viðkomandi þarf að geta hafið störf fljótlega og ráðningartíma lýkur í lok sumars.