Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Simans eru einfaldleiki og framsækni.

Vinnustaðurinn

Viðskiptastjóri á Fyrirtækjasviði Símans

Við leitum að öflugum viðskiptastjóra í Viðskiptastýringu Símans. Viðskiptastjóri þjónustar lítil og meðalstór fyrirtæki vegna fjarskipta og tækni og leggur áherslu á að efla tengsl við núverandi viðskiptasambönd ásamt því að koma auga á ný viðskiptatækifæri.
Viðkomandi þarf að vera í góðum samskiptum við viðskiptavini og tryggja framúrskarandi upplifun þeirra.

Helstu verkefni og ábyrgð

Sinna viðskiptastýringu, samskiptum, ráðgjöf, sölu og þjónustu við fyrirtæki
Símsvörun og afgreiðsla erinda
Að stýra og efla núverandi viðskiptasambönd
Heimsóknir og stöðufundir með viðskiptavinum
Samninga- og tilboðsgerð
Greiningar á viðskiptavinahópi
Önnur verkefni tengd störfum viðskiptastýringar

Menntunar- og hæfniskröfur

Háskólamenntun sem nýtist í starfi er kostur
Reynsla af viðskiptastýringu eða sölu- og þjónustustörfum á fyrirtækjamarkaði
Söluáhugi og metnaður
Áhugi og þekking á íslensku atvinnulífi
Þjónustulund og framúrskarandi hæfni í mannlegum samskiptum
Drifkraftur og fagleg vinnubrögð
Gott vald á íslensku og ensku, bæði í tali og riti

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Hjá Símanum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 2. mars 2025.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Auglýsing birt20. febrúar 2025

Umsóknarfrestur2. mars 2025

Tungumálahæfni