Verkefnastjóri tæknilegra umbóta - Þróunar- og tölvudeild

Hafnarfjarðarbær óskar eftir að ráða öflugan verkefnastjóra tæknilegra umbóta tímabundið í fullt starf í þróunar- og tölvudeild bæjarins. Hafnarfjarðarbær hefur verið leiðandi sveitarfélag við innleiðingu á stafrænum og tæknilegum lausnum og vill vera þar í fararbroddi.

Starfið felst í að vinna að leiða og styðja við umbótaferla í stafrænni þjónustu og tölvumálum Hafnarfjarðarbæjar. Sinna verkefnastýringu lykilverkefna s.s. uppfærslu á fjárhagskerfi, leyfastýringu, öryggis- og gæðamál og stafrænar lausnir auk þess að styðja við stefnumótun í upplýsingatækni Hafnarfjarðarbæjar. Þróunar- og tölvudeild fer með stjórnun og stefnumótun í tölvumálum bæjarins og tengdra stofnana, ásamt samhæfingu og eftirlit. Deildin sér um rekstur allra tölvukerfa og tryggir að meðhöndlun kerfa og gagna sé í samræmi við þarfir bæjarins og öryggiskröfur.

Helstu verkefni og ábyrgð:

• Verkefnastýring stórra uppfærsla og kerfisbreytinga, einkum á fjárhagskerfi (Business Central)
• Skipulagning og eftirfylgni útboðsmála og samninga
• Endurskipulagning leyfa- og aðgangsstýringar, sérstaklega í tengslum við fjárhagskerfi
• Mótun og innleiðing á öryggis- og gæðakerfum og stefnum í upplýsingatækni (t.d. netöryggi, NIS2, viðbragðsáætlunum)
• Þátttaka í stafrænni þjónustu, þ.á.m. innleiðing og þjónusta á Microsoft 365, Azure og öðrum skýjalausnum
• Samvinna við deildarstjóra um áætlunargerð, þróun og viðhald tölvuumhverfis
• Önnur verkefni sem yfirmaður felur starfsmanni

Menntunar- og hæfniskröfur:

• Háskólamenntun sem nýtist í starfi, s.s. á sviði tölvunarfræði, verkfræði eða sambærileg menntun.
• Reynsla af því að stýra verkefnum tengd innleiðingum og uppfærslu á hverskyns hugbúnaði
• Reynsla af því að stýra verkefnum tengd innleiðingum á stafrænum tæknilausnum
• Viðtæk yfirsýn yfir hagnýtingu upplýsingatækni
• Gerð framfylgniáætlana til að greiða fyrir innleiðingu verkefna og lausna
• Þekking og reynsla af faglegri verkefnastjórnun þar sem margir hagsmunir koma að verkefnum

Laun eru samkvæmt kjarasamningi Sambands íslenskra sveitarfélaga við BHM.

Nánari upplýsingar veitir Eymundur Björnsson, deildarstjóri þróunar- og tölvudeildar, [email protected]

Umsóknarfrestur er til og með 12. september nk.

Umsókninni fylgi ferilskrá.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.