Deildarstjóri stoðþjónustu - Setbergsskóli

Laus er til umsóknar staða deildarstjóra stoðþjónustu við Setbergsskóla. Setbergsskóli var stofnaður árið 1989 og eru nemendur um 430 talsins auk þess sem við skólann er starfrækt sérdeild fyrir börn með einhverfu. Skólinn er staðsettur í fallegu umhverfi sem býður upp á mikla möguleika til útiveru.

Góður starfsandi og jákvæð samskipti einkenna starfmannahópinn og er vellíðan nemenda og starfsfólks ávallt höfð að leiðarljósi. Við skólann er unnið metnaðarfullt starf með sérstakri áherslu á fjölbreytt námsumhverfi, læsi, sköpun, lýðræði og uppbyggjandi endurgjöf. Allir nemendur í 6. – 10. bekk hafa spjaldtölvur til umráða og yngri nemendur hafa einnig aðgang að slíkum tækjum.

Einkunnarorð skólans eru virðing, víðsýni og vellíðan og grundvallast starf skólans á þeim gildum. Skólinn vinnur samkvæmt hugmyndafræði SMT um jákvæða skólafærni og samkvæmt hugmyndafræði Olweusar gegn einelti og andfélagslegri hegðun. Nánari upplýsingar um skólann og það öfluga starf sem þar er unnið er að finna á heimasíðu skólans, setbergsskoli.is.

Umsækjandi þarf að hafa leiðtogahæfileika, góða og víðtæka þekkingu á skólastarfi og metnaðarfulla skólasýn. Deildarstjóri situr í stjórnunarteymi skólans, er faglegur leiðtogi og stýrir stoðþjónustu innan skóla vegna nemenda með sérþarfir.

Helstu verkefni og ábyrgð:

• Skipuleggur og stýrir stoðþjónustu skólans
• Er í forystu um gerð einstaklingsnámsskráa og er ráðgefandi aðili við gerð þeirra
• Er almennum kennurum skólans faglegur ráðgjafi varðandi skipulag kennslu
• Vinnur að þróun skólastarfs í samstarfi við aðra stjórnendur og samstarfsfólk
• Stuðlar að velferð nemenda í samstarfi við foreldra og fagfólk
• Vinnur samkvæmt stefnu skólans í SMT skólafærni
• Önnur verkefni skv. starfslýsingu

Menntunar- og hæfniskröfur:

• Leyfisbréf sem kennari (leyfisbréf fylgi umsókn)
• Framhaldsmenntun í sérkennslufræðum
• Stjórnunarmenntun æskileg
• Reynsla af skipulagi og sérkennslu í grunnskóla er kostur
• Jákvætt viðmót og góð hæfni í mannlegum samskiptum.
• Frumkvæði og sjálfstæði í vinnubrögðum og góðir skipulagshæfileikar
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Faglegur metnaður og sveigjanleiki í starfi

Skilyrði fyrir ráðningu er hreint sakavottorð.

Greinargóð ferilskrá og leyfisbréf fylgi umsókn.

Umsóknarfrestur er til og með12. september 2025.

Ráðið er í stöðuna sem fyrst.

Upplýsingar um starfið veitir María Pálmadóttir, skólastjóri, í síma 6645880 eða í gegnum netfangið [email protected].

Laun eru samkvæmt kjarasamningi Sambands íslenskra sveitarfélaga og KÍ.

Vakin er athygli á stefnu Hafnarfjarðarbæjar um að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.