Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Verkefnastjóri markaðs- og kynningarmála

Háskólinn í Reykjavík óskar eftir að ráða til starfa verkefnastjóra markaðs- og kynningarmála á samskiptasvið háskólans. Viðkomandi mun m.a. sinna efnisgerð (e. content creation) fyrir samfélagsmiðla og vef HR, stafrænni markaðssetningu, vinna markaðsefni í samstarfi við viðeigandi aðila og akademískar deildir, halda utan um kynningarráð nemenda og framhaldsskólakynningar, koma að viðburðastjórnun og almennu markaðs- og kynningarstarfi HR.

Helstu verkefni

Umsjón með efnissköpun (e. content creation) frá upphafi til enda og gerð markaðsefnis
Umsjón með birtingu á markaðsefni á samfélagsmiðlum
Þátttaka í að móta markaðsherferðir
Markaðssetning á viðburðum í nafni HR
Textaskrif í tengslum við markaðsefni, fréttir og viðburðahald
Umsjón með viðburðum og kynningum í nafni HR
Samskipti við innri aðila á borð við önnur stoðsvið og akademískar deildir, sem og samskipti við ytri hagaðila
Umsjón með kynningarráði og utanumhald framhaldsskólakynninga
Framsetning markaðsefnis á vef og eftir atvikum uppfærsla á efni

Hæfniskröfur

Háskólamenntun sem nýtist í starfi
Reynsla af stafrænni markaðssetningu og notkun Meta Ads Manager
Þekking á Google Ads er kostur
Reynsla af efnissköpun fyrir miðla á borð við Instagram og TikTok
Framúrskarandi samskiptahæfni og geta til að vinna vel í hópi
Mjög gott vald á íslensku og ensku, bæði í ræðu og riti

Umsóknir berist rafrænt í gegnum umsóknarvef Háskólans í Reykjavík.Umsóknarfrestur er til og með 14. ágúst 2025.Allar nánari upplýsingar veitir mannauðsdeild Háskólans í Reykjavík, [email protected], og Ásthildur Gunnarsdóttir, forstöðukona samskiptasviðs, [email protected].

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 4.300 í sjö deildum og starfsfólk er um 330 talsins, auk 350 stundakennara.

Auglýsing birt25. júlí 2025

Umsóknarfrestur14. ágúst 2025

Tungumálahæfni