Sveitarfélagið Vogar

Verkefnastjóri á umhverfis- og skipulagssviði

Sveitarfélagið Vogar óskar eftir að ráða drífandi og vel skipulagðan einstakling í starf verkefnisstjóra á umhverfis- og skipulagssviði. Starfið er fjölbreytt og spennandi og heyrir undir sviðsstjóra umhverfis- og skipulagssviðs. Um er að ræða 100% starf og viðkomandi þarf að geta hafið störf sem fyrst.

Verkefni umhverfis- og skipulagssviðs hafa aukist að umfangi samhliða örum vexti sveitarfélagsins og mun verkefnastjóri í samráði við sviðsstjóra meðal annars taka þátt í að formgera ferla og vinnulag innan sviðsins.

Leitað er að metnaðarfullum einstaklingi sem hefur góða hæfni í mannlegum samskiptum og er skipulagður og sjálfstæður í vinnubrögðum.

Helstu verkefni og ábyrgð

Verkefnastjórn og utanumhald um verkefni sviðsins, ‏þar með talið móttaka erinda, undirbúningur, afgreiðsla, skráning mála í skjalakerfi sveitarfélagsins og eftirfylgni mála á sviði skipulags- og byggingarmála.
Þátttaka í undirbúningi fyrir fundi fastanefnda sveitarfélagsins á sviði umhverfis- og skipulagsmála
Þáttaka í ýmsum þróunar-, skipulags- og uppbyggingarverkefnum
Undirbúningur vegna starfsemi vinnuskóla
Samskipti við íbúa, fyrirtæki og aðra hagsmunaðila um verkefni sviðsins.
Ýmis önnur verkefni sem tengjast umhverfis- og skipulagssviði Voga.

Menntunar- og hæfniskröfur

Háskólamenntun sem nýtist í starfi
Menntun og/eða reynsla á sviði skipulagsmála er æskileg
Þekking á lagaumhverfi málaflokksins og reynsla af opinberri stjórnsýslu er æskileg
Frumkvæði, sjálfstæði í vinnubrögðum og skipulagshæfni.
Góð samskiptahæfni og þjónustulund
Góð almenn tölvukunnátta og færni til að tjá sig í ræðu og riti.
Góð íslensku og ensku kunnátta
Hreint sakavottorð

Launakjör eru samkvæmt kjarasamningi Sambands íslenskra sveitarfélaga við viðkomandi stéttarfélag.

Umsókn um starfið þarf að ítarlegt starfsferlilskrá og kynningarbréf þar sem gerð er grein fyrir ástæðu umsóknar og hæfni viðkomandi í starfið. Allir áhugasamir einstaklingar, óháð kyni, eru hvattir til að sækja um.

Umsóknafrestur er til 18. maí

Nánari upplýsingar um starfið veitir Guðrún P. Ólafsdóttir, bæjarstjóri, [email protected]

Sveitarfélagið Vogar er eitt fjögurra sveitarfélaga á Suðurnesjum og eru íbúar tæplega 1.900 talsins. Talsverð uppbygging á sér stað i sveitarfélaginu sem hefur vaxið ört. Sveitarfélagið Vogar er mjög vel staðsett í nágrenni við þjónustu og vinnumarkað höfuðborgarsvæðisins en býður upp á rólegt og vinalegt umhverfi þar sem stutt er í náttúruna.

Auglýsing birt25. apríl 2025

Umsóknarfrestur18. maí 2025

Tungumálahæfni