Vélfræðingur / Verkstjóri í VERTO
Við hjá RST Net leitum að öflugum einstaklingi með vélfræðimenntun til að taka að sér verkstjórastöðu á verkstæði okkar, VERTO.
VERTO dreifispennar
VERTO framleiðir dreifispenna í ýmsum stærðum. Framleiðslan felur í sér samsetningu á stáli, þar á meðal suðu og almenna stálvinnu, auk samsetningar á íhlutum eins og kjarna, há- og lágspennugegnumtökum, rofum og öðrum tengdum íhlutum. Einnig eru gerðar mælingar til að tryggja gæði vörunnar.
VERTO smíði
VERTO er einnig smíðaverkstæði þar sem unnið er með alls kyns stál- og vélaverkefni sem hönnuð eru innanhúss og smíðuð á staðnum. Við vinnum aðallega með svart stál, en stundum einnig með ryðfrítt stál og ál. Verkstæðið er vel útbúið með tilheyrandi vélum og búnaði, þar á meðal suðuróbóta.
Áhugasömum af öllum kynjum er bent á að sækja um hér á Alfred.is eða á www.rst.is undir Starfsumsóknir.
Við leitum að einstaklingi til að taka að sér umsjón og verkefni tengd VERTO. Um er að ræða verkstjórastöðu með verklegum áherslum. Einstaklingurinn mun vinna í nánu samstarfi við framleiðslustjóra, útdeila verkefnum og hafa yfirsýn yfir verkflæði á verkstað.
Verið er að vinna að því að byggja upp starfsemina með auknum verkefnum og fleiri starfsmönnum og mun viðkomandi einnig koma að þeirri þróun.
Önnur verkefni
- Upptektir á ýmsum rafvélum.
- Aðstoð við aðrar deildir fyrirtækisins, svo sem Þjónustudeild, Framkvæmdardeild, Orkuskiptadeild og útibú okkar í Vestmannaeyjum.
- Vélfræðimenntun eða sambærileg menntun
- Reynsla af verkstjórn og mannaforráði
- Reynsla af stálvinnu og suðu
- Þekking á framleiðsluferlum og gæðastjórnun
- Hæfni til að vinna sjálfstætt og í teymi
- Góð samskipta- og skipulagshæfni
Öflugt starfsmannafélag
Góð vinnuaðstaða
Líkamsræktarstyrkur
Hleðslustöðvar fyrir starfsfólk
Íslenska
Enska
