Umsjónarmaður skólahúsnæðis - Norðlingaskóli
Norðlingaskóli auglýsir eftir umsjónarmanni fasteigna í 100% stöðu frá 1. janúar 2025.
Umsjónarmaður þarf að hafa áhuga á velferð barna og menntun þeirra og vera tilbúinn að taka þátt í þróun skólastarfs með stjórnendum og öðru samstarfsfólki.
Norðlingaskóli er heildstæður grunnskóli með um 580 nemendur í 1. – 10. bekk. Skólinn er staðsettur í einstöku umhverfi í Reykjavík, þ.e. í Norðlingaholti. Við skólann er samþætt grunnskóla- og frístundastarf. Starfshópurinn er samheldinn og starfsandi góður.
Stefna og starf Norðlingaskóla grundvallast á því lífsviðhorfi að hverjum einstaklingi skuli búinn námsskilyrði svo hann megi þroskast og dafna á eigin forsendum og útskrifast úr grunnskóla sem sjálfstæður, sterkur og lífsglaður einstaklingur.
Áhersla er m.a. á náið samráð við foreldra, samkennslu árganga, einstaklingsmiðað nám, smiðjuvinnu, nýbreytni og skólaþróun. Allt skólastarf byggir á teymisvinnu starfsfólks. Þá leggur skólinn mikla áherslu á að vera í nánum tengslum við grenndarsamfélagið.
- Sér um að húsnæði, allur búnaður og lóð skólans séu ávallt í aðlaðandi og fullnægjandi ástandi.
- Beitir sér fyrir hagkvæmum rekstri á þeim liðum sem hann ber ábyrgð á.
- Skipuleggur, hefur eftirlit með og ber ábyrgð á gæðum ræstinga.
- Er næsti yfirmaður skólaliða og skipuleggur og ber ábyrgð á störfum þeirra og skráningu vinnutíma.
- Sér um að skólahúsnæði sé opið við upphaf skóladags og ber ábyrgð á frágangi húsnæðis í lok skóladags.
- Hefur umsjón með öryggis- og eftirlitsbúnaði og kemur að skipulagi neyðaráætlana.
- Sinnir almennu viðhaldi skólahúsnæðis og lóðar og kallar til iðnaðarmenn eftir því sem við á samkvæmt beiðnakerfi borgarinnar.
- Tekur þátt í því uppeldisstarfi sem fram fer innan skólans þar sem áhersla er lögð á vellíðan nemenda.
- Iðnmenntun, önnur menntun eða reynsla sem nýtist í starfi.
- Rík þjónustulund og skipulagshæfni
- Góð samskiptafærni og sveigjanleiki í starfi
- Frumkvæði, sjálfstæð vinnubrögð og drifkraftur í starfi
- Færni í upplýsingatækni
- Íslenskukunnátta A2 samkvæmt samevrópska tungumálarammanum
Íslenska
