Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Teymisstjóri í stuðningsþjónustu

Fjölskyldu- og barnamálasvið Hafnarfjarðar óskar eftir að ráða teymisstjóra í stuðningsþjónustu. Starfshlutfall er 100% og vinnutími frá kl. 08.00 – 16.00. Um er að ræða framtíðarstarf. Kjörið tækifæri fyrir öfluga og áhugasama einstaklinga sem vilja taka þátt í þróun starfseminnar.

Stuðningsþjónustan ber ábyrgð á fjölbreyttri þjónustu við íbúa Hafnarfjarðar. Leitast er við að veita einstaklingsmiðaða þjónustu.

Helstu verkefni:

Framkvæmd og eftirlit stuðningsþjónustunnar í umboði deildarstjóra
Að setja upp áætlanir og skipuleggja dagleg verkefni starfsmanna í dagþjónustu auk kvölds og helgarþjónustu
Aðstoðar starfsmenn með skráningu á þjónustutímum í þjónustukerfi og vinnustund.
Samskipti við skjólstæðinga og starfsmenn
Þverfagleg samvinna með ráðgjöfum/heimahjúkrun, sértækri heimaþjónustu og fleiri aðilum
Samstarf við aðra starfsmenn stuðningsþjónustunnar
Þjálfun nýrra starfsmanna
Ýmis tölvuvinna
Sér um gæðaeftirlit
Sinnir innlitum til notenda, s.s. gengur í störf félagsliða og leysir af þegar þörf er á.
Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

Félagsliða/sjúkraliðapróf eða stúdentspróf
Bílpróf og umráð yfir bíl
Reynsla af starfi teymisstjóra í stuðningsþjónustu er æskileg
Góð íslenskukunnátta
Jákvæðni í starfi, þjónustulund og góð samskiptafærni
Frumkvæði, skipulögð vinnubrögð og sjálfstæði í starfi
Færni í helstu tölvuforritum
Hreint sakavottorð

Umsækjendur þurfa að hafa náð 20 ára aldri

Umsóknarfrestur er til og með 2. nóvember 2025

Öllum umsóknum verður svarað þegar ákvörðun um ráðningu liggur fyrir.

Launakjör eru samkvæmt kjarasamningi Sambands íslenskra sveitarfélaga og Verkalýðsfélagsins Hlífar.

Nánari upplýsingar veitir Elín Ósk Baldursdóttir deildarstjóri þjónustu- og úrræða. [email protected] eða í síma 585 5500.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt23. október 2025

Umsóknarfrestur2. nóvember 2025

Tungumálahæfni