Textílmiðstöð Íslands auglýsir eftir starfsmanni í TextílLab
Um er að ræða spennandi starf í stafrænni textílsmiðju sem snýst um nýsköpun, tækni og hringrásarhagkerfi í textílvinnslu.Textílmiðstöð Íslands er þekkingarsetur og sköpunaver staðsett á Blönduósi.
Mikil áhersla er lögð á uppbyggingu rannsóknainnviða í textíl með áherslu á stafræna tækni, umhverfisvæna hönnun og endurvinnslu textílúrgangs. Einnig nýtingu innlends hráefnis, varðveislu og eflingu hefðbundinnar handverkskunnáttu.
Helstu verkefni og ábyrgð í samstarfi við umsjónarmann TextílLabsins:
-
Umsjón með rýminu: Daglegur rekstur, viðhald, þrif og umsjón með stafrænum tækjabúnaði með áherslu á leiserskera og þrívíddarprentun. Í umsjón starfsfólks eru jafnframt tæki tengd vefnaði, prjóni, útsaum og þæfingu.
-
Leiðbeining og kennsla: Taka á móti einstaklingum, hópum og nemendum, veita tæknilega aðstoð og halda reglulega námskeið á tækin.
-
Stuðningur við nýsköpun: Aðstoða frumkvöðla, listafólk og sprotafyrirtæki við útfærslu verkefna og þróun á vörum.
-
Samstarf: Þátttaka í innlendum og alþjóðlegum samstarfsverkefnum tengdum Textílmiðstöðinni.
Við leitum að einstaklingi með:
-
Brennandi áhuga á textíl, nýsköpun, tækni og umhverfismálum.
-
Tæknimenntun eða önnur menntun sem nýtist í stafrænni smiðju.
-
Ríka samskiptahæfni og getu til að leiðbeina fjölbreyttum hópum.
Íslenska
Enska
