Starfsmaður í áhaldahús Reykhólahrepps
Reykhólahreppur auglýsir eftir að ráða öflugan einstakling í teymi áhaldahúss. Leitað er eftir einstaklingi sem býr yfir drifkrafti, samskiptafærni, með gott verkvit og er sjálfstæður í vinnubrögðum. Starfið er mjög fjölbreytt og viðkomandi verður hluti af viðhaldsteymi sem sinnir fasteignum og innviðum sveitarfélagsins og öðrum tilfallandi verkefnum. Starfið heyri undir framkvæmdasvið og næsti yfirmaður er umsjónarmaður fasteigna. Um er að ræða 100% starf.
Almennt viðhald á fasteignum og innviðum sveitarfélagsins
Vinna við hafnar-, vatns- og fráveitumannvirki
Umhirða og fegrun bæjarins, s.s. sláttur, gróðursetning og hellulagnir
Störf á endurvinnslusvæði sveitarfélagsins
Ýmis viðhaldsþjónusta við stofnanir sveitarfélagsins
Vetrarþjónusta á stígum og við stofnanir sveitafélags
Önnur tilfallandi verkefni í samráði við umsjónarmann fasteigna
Iðnmenntun sem nýtist í starfi eða reynsla af sambærilegum verkefnum
Geta til að vinna í teymi og sjálfstætt
Fagleg vinnubrögð
Þjónustulund, heiðarleiki og færni í mannlegum samskiptum
Almenn tölvukunnátta
Ökuréttindi skilyrði
Vinnuvélaréttindi og aukin ökuréttindi kostur
Starfsfólk sem flytur til Reykhólahrepps í fast starf hjá sveitarfélaginu fær flutningsstyrk.
Á Reykhólum er að finna margvíslega þjónustu. Þar er samrekinn leik-, grunn- og tónlistarskóli, frístund barna og félagsmiðstöð, hjúkrunar- og dvalarheimili Barmahlíðar, sundlaug, tjaldsvæði, íþróttahús og líkamsrækt, heilsugæsla, Báta- og hlunnindasýning og verslun og veitingasala Bakkabúðarinnar auk ýmissar annarrar þjónustu. Þar starfa Þörungaverksmiðjan hf. og saltverksmiðja Norður & Co ehf. Hótel og veitingastaður er einnig rekið í nágrenni Reykhóla í Bjarkalundi og framundan eru spennandi og áhugaverðir tímar í uppbyggingu og atvinnuþróun sveitarfélagsins á kjörtímabilinu, t.d. á Króksfjarðarnesi, í Garpsdal og í uppbyggingu ferðaþjónustu um sveitarfélagið.
Íslenska
Enska
