Hafnarfjarðarbær

Hafnarfjarðarbær er þriðja stærsta sveitarfélag landsins með rúmlega 30 þúsund íbúa og um um 2500 starfsfólk sem sinna fjölbreyttum störfum á um 70 starfsstöðvum um allan bæ. Mannauðurinn er okkur dýrmætur. Lögð er áhersla á að hjá bænum starfi fólk sem getur veitt bestu þjónustu sem völ er á af þekkingu, ábyrgð og metnaði. Við viljum vera áhugaverður og góður vinustaður og árangur okkar er undir reyndu og hæfileikaríku fólki kominn. Við leggjum áherslu á að skapa starfsumhverfi þar sem starfsfólk fær tækifæri til að efla þekkingu sína, hefur tækifæri til þróunar og fái hvatningu til að sýna frumkvæði og njóta sín í starfi sem skilar sér í aukinni starfsánægju og góðri þjónustu við bæjarbúa. Við erum heilsueflandi vinnustaður og viljum að öllum líði vel í vinnunni og bæði stjórnendur og starfsfólk leggja sitt að mörkum við að ýta undir og skapa sem best vinnuumhverfi á öllum okkar starfsstöðvum. Ef þú hefur áhuga á að bætast í hóp starfsmanna hjá Hafnarfjarðarbæ þá hvetjum við þig til að senda inn umsókn.

Vinnustaðurinn

Tækjamaður - Þjónustumiðstöð

Hafnarfjarðarbær óskar eftir að ráða tækjamann í þjónustumiðstöð. Þjónustumiðstöð heyrir undir umhverfis- og skipulagssvið og er staðsett að Norðurhellu 2. Um er að ræða 100% stöðugildi í dagvinnu, auk bakvakta.

Í þjónustumiðstöð Hafnarfjarðar eru 20 stöðugildi og starfa starfsmenn við mjög fjölbreytt viðhaldsverkefni á svæðum bæjarins sem og við stofnanir.

Helstu verkefni og ábyrgð:

Viðhald og viðgerðir á götum, göngustígum, niðurföllum, regnvatnslögnum o.fl.
Snjómokstur og hálkueyðing á götum og göngustígum
Viðhald, umhirða og viðgerðir á opnum svæðum og á stofnanalóðum
Viðhald, viðgerðir, umhirða og eftirlit með eignum sem tilheyra bænum
Vinna við hátíðarhöld og viðburði á vegum bæjarins
Önnur verkefni samkvæmt starfslýsingu

Menntunar- og hæfniskröfur:

Meiraprófsréttindi C eða C1
Vinnuvélaréttindi
Reynsla af sambærilegum störfum æskileg
Marktæk og góð reynsla af akstri stærri tækja
Jákvætt viðmót þjónustulund, samstarfs- og samskiptahæfni
Sjálfstæð, nákvæm og skipulögð vinnubrögð
Líkamlega fær um að sinna þeim verkefnum sem starfið felur í sér
Góð Íslenskukunnátta
Enskukunnátta kostur

Launakjör eru samkvæmt kjarasamningi Sambands íslenskra sveitarfélaga við Verkalýðsfélagið Hlíf.

Nánari upplýsingar um starfið veita Hafsteinn Viktorsson, forstöðumaður þjónustumiðstöðvar, í síma 585-5670 eða í gegnum tölvupóst: [email protected] og Sigurður Haraldsson, sviðsstjóri umhverfis- og skipulagssviðs í síma 585-5670 eða í gegnum tölvupóst: [email protected]

Umsóknarfrestur er framlengdur til og með 22. ágúst 2025.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Auglýsing birt19. ágúst 2025

Umsóknarfrestur22. ágúst 2025

Tungumálahæfni