Sviðstjóri fræðslu- og upplýsingasviðs ASÍ
Leitað er að kraftmiklum og jákvæðum stjórnanda með brennandi áhuga á málefnum verkalýðshreyfingarinnar, sterka samskiptahæfni og faglegan metnað.
Fræðslu og upplýsingasvið ber ábyrgð á fræðslu, upplýsingagjöf og miðlun á vettvangi sambandsins. Sviðið sinnir félagslegri fræðslu með það að markmiði að styrkja kjörna fulltrúa, starfsmenn og trúnaðarmenn stéttarfélaga á vinnumarkaði og styður við stefnumótun hreyfingarinnar á sviði mennta- og fræðslumála, meðal annars í gegnum samstarf við málefnanefndir miðstjórnar. Jafnframt rekur sviðið Félagsmálaskóla alþýðu í samstarfi við BSRB.
Miðlunarhluti sviðsins annast útgáfu, kynningarstarf og upplýsingamiðlun ASÍ. Þar undir falla samskipti við fjölmiðla, innri og ytri miðlun, rekstur vef- og samfélagsmiðla ASÍ, framkvæmd viðburða, ásamt umsjón með gagnagrunnum og tæknibúnaði sviðsins.
Starf sviðstjóra felur í sér faglega forystu og ábyrgð á starfsemi sviðsins, þróun þess og verkefnum, ásamt nánu samstarfi við miðstjórn ASÍ, forystu aðildarsamtaka og aðra lykilaðila. Gerð er krafa um frumkvæði, sjálfstæð vinnubrögð og hæfni til að vinna í teymi. Mikil áhersla er lögð á góða hæfni í mannlegum samskiptum, skýra tjáningu í ræðu og riti og faglega nálgun í öllum verkefnum.
-
Mótun og þróun á starfsemi sviðsins, þar á meðal frumkvæði að nýjungum og stefnumótun.
-
Umsjón með kynningar- og upplýsingamiðlun, þar á meðal frétta- og greinarskrif, samfélagsmiðla, fréttabréfi og auglýsingum.
-
Ábyrgð á heimasíðu og öðrum miðlum ASÍ, þar sem áhersla er lögð á að kynna starfsemi og efni á markvissan hátt.
-
Skipulag, utanumhald og kynning námskeiða, ásamt kennslu og gerð námsefnis.
-
Kynningar og fræðsla, meðal annars í framhaldsskólum og í samstarfi við ASÍ-UNG.
-
Samskipti og samstarf við aðildarfélög, landssambönd, innlenda og erlenda samstarfsaðila, þar á meðal systursamtök og alþjóðasamtök stéttarfélaga.
-
Ábyrgð á fjárhagsáætlunum Félagsmálaskólans
-
Verkefnastjórnun og framkvæmd kynningar- og fræðsluverkefna.
-
Háskólapróf sem nýtist í starfi, svo sem í kennslufræðum, fjölmiðlun, eða öðrum skyldum greinum, og/eða sambærileg reynsla.
-
Reynsla af stjórnun og/eða verkefnastjórnun.
-
Reynsla af fjölmiðlun og fullorðinsfræðslu æskileg.
-
Mjög góð færni í textaskrifum og miðlun efnis, þar á meðal á samfélagsmiðlum.
-
Auðvelt með að tjá sig skýrt og faglega í ræðu og riti.
-
Gott vald á íslensku, ensku og einu norðurlandamáli.
-
Mjög góð hæfni í mannlegum samskiptum og reynsla af samstarfi við ólíka hópa.
-
Frumkvæði, faglegur metnaður og sjálfstæð, skipulögð vinnubrögð.
Enska
Danska
