Sviðstjóri félags- og vinnumarkaðssviðs

Leitað er að metnaðarfullum og framsýnum einstaklingi sem er kraftmikill, jákvæður og faglegur, með brennandi áhuga á hagsmunamálum launafólks. Umsækjandi þarf að sýna frumkvæði í starfi, vera góður í mannlegum samskiptum og búa yfir sterkum stjórnunar- og skipulagshæfileikum.

Félags- og vinnumarkaðssvið sinnir greiningum og úttektum á félags- og vinnumarkaðsmálum og styður við starfsemi og stefnumótun hreyfingarinnar, meðal annars í gegnum samstarf við málefnanefndir miðstjórnar. Undir sviðið falla fjölbreyttir málaflokkar, þar á meðal vinnumarkaðs- og velferðarmál, afkomu- og atvinnuleysistryggingar, vinnumarkaðsúrræði, heilbrigðismál, húsnæðismál, jafnrétti og inngilding, auk áherslu á réttlát umskipti.

Starf sviðstjóra felur meðal annars í sér rannsóknir og greiningar á framangreindum málaflokkum, auk þess að vinna að stefnu sambandsins í nánu samstarfi við miðstjórn ASÍ og forystu aðildarsamtaka. Mikilvægt er að viðkomandi geti starfað sjálfstætt, sýni faglegan metnað og eigi jafnframt auðvelt með að vinna í teymi.

ASÍ leggur áherslu á að ráða einstakling sem sameinar faglega þekkingu, frumkvæði og hæfni í samskiptum, og er tilbúinn að leggja sitt af mörkum til öflugrar og framsækinna hreyfingar.