Starfsmaður á hæfingarstöð í Kópavogi
Velferðarsvið Kópavogsbæjar óskar eftir starfsfólki til starfa í dagvinnu á hæfingarstöð fyrir fatlað fólk. Í boði er annars vegar 100% starf og hins vegar 50% starf. Æskilegt er að viðkomandi geti hafið störf sem fyrst.
Hæfingarstöðin býður uppá dagþjónustu, virkni- og vinnuþjálfun fyrir fatlaða einstaklinga. Vinnustaðurinn leitar að drífandi og áhugasömu starfsfólki til að takast á við fjölbreytt verkefni í sveigjanlegu og skemmtilegu vinnuumhverfi. Reynsla af starfi með fólki með fötlun er æskileg.
Unnið er í skipulagðri hópavinnu og einstaklingsmiðaðri vinnu. Ýmis þróunarverkefni eru í gangi, til að mynda er vilji til að efla listasmiðju og verkefni tengd smíði, keramik og listsköpun af ýmsu tagi.
Um er að ræða tímabundið starf til eins árs, með möguleika á framlengingu.
- Að skapa öryggi og vellíðan á vinnustað.
- Þátttaka í faglegu starfi, s.s. að leiðbeina, styðja og hvetja notendur við verkefni sem unnið er að hverju sinni.
- Þátttaka í teymisvinnu.
- Einstaklingsmiðaður persónulegur stuðningur við fatlað fólk.
- Að framfylgja þjálfunar-/þjónustuáætlunum sem forstöðumaður, deildarstjórar eða þroskaþjálfar hafa umsjón með
- Önnur verkefni sem yfirmaður felur starfsmanni og falla undir verksvið viðkomandi.
- Umsækjendur þurfa að hafa náð 20 ára aldri.
- Formlegt próf af styttri námsbrautum, s.s. félagsliðanám eða a.m.k. tveggja ára nám í framhaldsskóla
- Reynsla og þekking á starfi með fötluðu fólki.
- Stundvísi og samviskusemi.
- Góð hæfni í mannlegum samskiptum.
- Framtakssemi og jákvæðni í starfi.
- Gott líkamlegt ástand þar sem starfið getur verið líkamlega krefjandi.
- Góð íslenskukunnátta.
Starfsfólk Kópavogsbæjar fær frían aðgang að sundlaugum bæjarins.
36 klukkustunda vinnuvika.
Boðið er upp á mat þrisvar á dag, starfsfólki að kostnaðarlausu.
Skemmtilegt starfsumhverfi.
Íslenska
