Starfsmaður á Gæðatrygginga-og Gæðaeftirlitsdeild

Coripharma leitar að starfsmanni á Gæðatrygginga- og Gæðaeftirlitsdeild. Deildin er hluti af gæðasviði Coripharma. Verkefni deildarinnar eru fjölbreytt en tengjast uppbyggingu og viðhaldi á gæðakerfum, eftirliti með gæðakerfum sem og eftirlit með ýmsum stigum framleiðslu- og pökkunar.

Starfið er fjölbreytt og snýst aðallega um sýnatöku á hráefnum og pökkunarefnum, yfirferð á ýmis konar gögnum, ásamt því að sinna öðrum verkefnum sem tilheyra deildinni.

Helstu verkefni:

• Yfirferð á gögnum sem snúa að framleiðslu og pökkun
• Samskipti við vaktstjóra framleiðslu og pökkunar eftir þörfum
• Umsýsla í kringum sýnatöku á hráefnum og pökkunarefnum
• Útbúa einföld skjöl eins og vottorð
• Álíming losunar/samþykktarmiða á fullbúna vöru

Hæfnikröfur:

• Lyfjatæknir, stúdentspróf eða annað sambærilegt nám er æskilegt
• Góð tölvukunnátta, færni í notkun Word og Excel og kostur að hafa tök á notkun á SharePoint
• Góð íslensku -og enskukunnátta
• Góð samskipta- og skipulagsfærni ásamt sjálfstæðum vinnubrögðum

Coripharma er íslenskt fyrirtæki með um 215 starfsmenn, sem byggir á traustum grunni lyfjaþróunar og framleiðslu á Íslandi. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki.

Frá því að félagið hóf starfsemi árið 2018 hefur það hafið framleiðslu á 22 lyfjum og er með 21 nýtt lyf í þróun. Nánari upplýsingar um Coripharma má finna á www.coripharma.is

Með umsókn skal fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Umsóknarfrestur er til og með 13. apríl 2025