Starfsfólk á Heimili fyrir börn

Við á Heimili fyrir börn í Mosfellsbæ leitum eftir öflugu og framsæknu starfsfólki til liðs við okkur. Við veitum börnum með flókinn og fjölþættan vanda einstaklingsmiðaða þjónustu með það að markmiði að veita börnunum góða líðan og auka félagslega þátttöku. Starfsfólk vinnur eftir hugmyndafræði Þjónandi leiðsagnar og hugmyndafræði um sjálfstætt líf sem og þjónustu - og starfsáætlunum.

Mikið er lagt upp úr úr góðri liðsheild og samvinnu á staðnum.

Leitað er að starfsfólki í 30-80% starfshlutfall frá byrjun desember. Um er að ræða tímabundin störf með möguleika á framlengingu.

Um er að ræða sólarhringsþjónustu svo gengið er út frá því að starfsfólk vinni á fjölbreyttum vöktum (kvöld-, helgar- og næturvöktum).

Á Heimili fyrir börn er starfað eftir hugmyndafræði þjónandi leiðsagnar og sjálfstæðs lífs og skv. lögum um fatlað fólk með langvarandi stuðningsþarfir nr. 38/2018.

Mosfellsbær er öflugt og eftirsótt sveitafélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Umsóknafrestur er til og með 12.nóvember. Umsóknir skulu innihalda starfsferilskrá sem greinir frá reynslu, menntun og fyrri störfum.