Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Starf þjónustufulltrúa

Laust er til umsóknar starf þjónustufulltrúa í þjónustuveri Sveitarfélagsins Árborgar. Starfið heyrir undir forstöðumann Menningar- og upplýsingadeildar. Þjónustufulltrúi er rödd sveitarfélagsins og veitir íbúum og starfsmönnum þjónustu sem um ræðir á staðnum, í síma, með tölvupósti eða í gegnum ábendingargátt. Um er að ræða 70% starf.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Almenn afgreiðsla og móttaka viðskiptavina.
Símsvörun í þjónustuveri.
Móttaka og afgreiða erinda, ábendinga, skjala og umsókna.
Svörun á ráðhúspósti og í ábendingargátt.
Upplýsingagjöf til starfsmanna Árborgar og viðskiptavina.
Innkaup á skrifstofuvörum.

Menntunar- og hæfniskröfur

Framúrskarandi samskiptahæfni.
Þjónustulund og skipulagshæfileikar.
Nákvæm og öguð vinnubrögð.
Mjög góð tölvu- og íslenskukunnátta skilyrði.
Önnur tungumálakunnátta er kostur sem og þekking á starfsemi sveitarfélagsins.

Umsóknarfrestur er til og með 5. september.

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Nánari upplýsingar um starfið veitir Margrét Blöndal forstöðumaður, netfang: [email protected]

Auglýsing birt18. ágúst 2025

Umsóknarfrestur5. september 2025

Tungumálahæfni