Laus störf Hæfnileit Vinnustaðir Námskeið

Salaskóli

Salaskóli er staðsettur í Salahverfi, í Leirdal, sem liggur norðan við Rjúpnahæð. Skólinn býr við afbragðsgóða aðstöðu. Húsnæði skólans er hlýlegt og gott og skólinn er vel búinn kennslugögnum og tækjum. Við hlið skólans er íþróttamiðstöðin Versalir og þar eru íþróttasalir og sundlaugar sem skólinn hefur afnot af. Umhverfi skólans er fjölbreytt og gefur mikla möguleika til fjölbreyttrar kennslu. Skammt frá skólanum er útivistarsvæði sem er notað í útikennslu og einnig er stutt í bæði Elliðavatn og Vífilstaðavatn. Skólalóðin er hönnuð með tilliti til útikennslu en hún er fjölbreytt með völlum og leiktækjum. Einkunnarorð skólans eru vinátta, virðing og samstarf en allt starf skólans tekur mið af þeim.

Vinnustaðurinn

Stærðfræðikennari á unglingastig í Salaskóla

Við leitum að góðum stærðfræðikennara í okkar frábæra starfslið í Salaskóla.

Í skólanum eru góður starfsandi og gott starfsumhverfi. Kennarar vinna saman í teymisvinnu við undirbúning og skipulagningu náms og kennslu.

Skólaþróun hefur verið ríkur þáttur í skólastarfinu og áhersla lögð á fjölbreytta kennsluhætti. Rauður þráður í starfi skólans er að nemendur fái að njóta sín og að þeim líði vel í skólanum. Skólinn var stofnaður árið 2001 og á yfirstandandi skólaári eru 500 nemendur í 1.-10. bekk. Við skólann starfa um 100 starfsmenn.

Helstu verkefni og ábyrgð

Umsjónarkennari í 10. bekk í þriggja manna kennarateymi og stærðfræðikennsla í 8.-10. bekk.

Menntunar- og hæfniskröfur

Leyfisbréf til kennslu í grunnskóla. Til greina kemur að ráða 5. árs nema.
Framhaldsmenntun í stærðfræði og/eða reynsla af kennslu í stærðfræði á unglingstigi æskileg.
Frumkvæði og skapandi hugsun við þróun verkefna og aðlögun að ólíkum nemendahópum.
Sjálfstæði í vinnubrögðum, faglegur metnaður og sveigjanleiki í að takast á við fjölbreyttar aðstæður.
Sterk samskiptahæfni og færni í að mynda jákvæð tengsl við nemendur og samstarfsfólk.
Þolinmæði, umburðarlyndi og víðsýni sem nýtist gagnvart fjölbreyttum nemendahópi og í teymisvinnu.
Góð teymisfærni og áhugi á að vinna þverfaglega með öðrum kennurum og starfsfólki skólans með velferð nemenda að leiðarljósi.
Skipulagshæfni, ábyrgð og stundvísi.
Umsækjandi þarf að vera tilbúinn að vinna eftir stefnu skólans og taka virkan þátt í teymiskennslu og samstarfi innan skólasamfélagsins.
Geta til að kenna á íslensku og eiga samskipti við nemendur og samstarfsfólk á íslensku.

Fríðindi í starfi

Starfsfólk Kópavogsbæjar fær frítt í sund í sundlaugar sveitarfélagsins.

Ráðningartími og starfshlutfall

Starfshlutfall getur verið 80-100%
Æskilegt að ráðning geti verið frá 5. janúar 2026, tímabundið til loka skólárs þann 31. júlí 2026. Möguleiki er á fastráðningu eftir þann tíma.

Nánari upplýsingar

Laun eru samkvæmt kjarasamningi Sambands íslenskra sveitarfélaga og Kennarasambands Íslands.

Þeir sem ráðnir eru til starfa hjá grunnskólum Kópavogs þurfa að heimila upplýsingaöflun úr sakaskrá.

Upplýsingar gefur Kristín Sigurðardóttir skólastjóri, [email protected], sími 8402393.

Auglýsing birt22. desember 2025

Umsóknarfrestur4. janúar 2026

Tungumálahæfni