Skrifstofumaður á skurðstofum við Hringbraut
Við óskum eftir jákvæðum einstaklingi til fjölbreyttra starfa á skurðstofum við Hringbraut. Viðkomandi þarf að búa yfir góðri samskiptahæfni, vera sjálfstæður í starfi og hafa áhuga á að taka að sér fjölbreytt störf. Starfið er laust frá 1. ágúst 2026 eða eftir nánara samkomulagi. Starfshlutfall er 100%, unnið er í dagvinnu frá kl. 07:30-15:30.
Á skurðstofum Landspítala við Hringbraut eru 11 skurðstofur sem þjóna 7 sérgreinum og árlega eru framkvæmdar þar um 10 þúsund aðgerðir. Á deildinni starfa um 90 einstaklingar; hjúkrunarfræðingar, sjúkraliðar, sótthreinsitæknar, skrifstofufólk og sérhæft starfsfólk við fjölbreytt og krefjandi verkefni, sem unnin eru í nánu samstarfi við fagfólk í öðrum sérgreinum. Gagnreynd þekking, viðurkenndir verkferlar, öryggi sjúklinga og teymisvinna eru höfð í fyrirrúmi á báðum starfseiningum. Í boði er einstaklings aðlöguð þjálfun eftir þörfum hvers og eins á skemmtilegum vinnustað.
Vinnuvika starfsfólks í fullri dagvinnu er 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.
- Almenn skrifstofustörf, s.s. símsvörun og upplýsingagjöf
- Flutningur sjúklinga frá deild og á skurðstofur
- Samskipti við iðnaðarmenn og þjónustuaðila utan deildar
- Aðstoðar deildarstjóra og hjúkrunarfræðinga deildarinnar við ýmis verkefni
- Vinnsla og utanumhald ýmissa gagna og lista
- Aðstoð við vinnuskýrlsur
- Önnur tilfallandi verkefni í samráði við deildarstjóra
- Viðeigandi menntun sem nýtist í starfi
- Góð hæfni í samskiptum og jákvætt viðmót
- Skipulögð, sjálfstæð og öguð vinnubrögð
- Góð tölvukunnátta og hæfni til að tileinka sér nýja þekkingu
- Reynsla af skrifstofustörfum er æskileg
- Mjög góð íslenskukunnátta, bæði í mæltu og rituðu máli
- Enskukunnátta er kostur
Íslenska
