Skaftárhreppur

Skaftárhreppur er einn af landstærstu hreppum Íslands. Flestir búa í dreifbýli. Íbúar í Skaftárhreppi voru 625 1. janúar 2021. Aðalatvinnuvegir eru landbúnaður og ferðaþjónusta. Veðursæld er í Skaftárhreppi þar sem vetur eru mildir og sumur hlý. Margar náttúruperlur eru í hreppnum s.s. Landbrotshólarnir, Dverghamrar og Fjaðrárgljúfur. Hluti Skaftárhrepps er á Vestursvæði Vatnajökulsþjóðgarðs þar sem eru Lakagígar, Eldgjá og Langisjór. Nánari upplýsingar má finna á www.klaustur.is

Vinnustaðurinn

Skólastjóri Kirkjubæjarskóla

Skaftárhreppur óskar eftir að ráða skólastjóra Kirkjubæjarskóla, samrekins leik- og grunnskóla. Skólastjóri ber ábyrgð á starfsemi skólans, rekstri og mannauðsmálum. Hann gegnir lykilhlutverki í mótun skólastarfsins og í samstarfi skóla og samfélags. Leitað er að lausnamiðuðum leiðtoga með metnað og einlægan áhuga á skólastarfi.

Helstu verkefni og ábyrgð

Stjórnun og ábyrgð á daglegri starfsemi og rekstri skólans
Fagleg forysta skólans
Ábyrgð á framþróun í skólastarfi
Hafa forystu um og styðja samstarf í samræmi við farsældarlög
Leiða samstarf starfsfólks, nemenda, heimila og skólasamfélagsins í heild
Samstarf við skólanefnd, sveitarstjóra og sveitarstjórn

Menntunar- og hæfniskröfur

Leyfisbréf til kennslu og kennslureynsla á grunnskólastigi
Framhaldsmenntun í stjórnun eða uppeldis- og kennslufræðum er æskileg
Farsæl reynsla af rekstri, stjórnun og skólaþróun er æskileg
Framúrskarandi hæfni og lipurð í mannlegum samskiptum
Leiðtogafærni, metnaður og styrkur til ákvarðana
Skipulagshæfni og góð yfirsýn
Góð íslenskukunnátta og færni til að tjá sig í ræðu og riti

Kirkjubæjarskóli er í samstarfi við Tónlistarskóla Skaftárhrepps og Héraðsbókasafnið. Þessar stofnanir eru allar í sama húsnæði og samtengdar íþróttahúsi og sundlaug. Mötuneyti er til staðar fyrir alla nemendur. Húsnæði grunnskólans hefur nýlega verið endurbætt, þar með talið list- og verkgreinastofur. Einkunnarorð sveitarfélagsins og skólans eru virðing, samstaða, jákvæðni, sjálfbærni.

Nánari upplýsingar um skólann er að finna á heimasíðu skólans: https://www.klaustur.is/is/ibuar/kirkjubaejarskoli-a-sidu

Kirkjubæjarklaustur er í Skaftárhreppi um 250 km austur af Reykjavík. Í sveitarfélaginu búa um 700 íbúar. Þar eru gildin virðing, jákvæðni, samstaða og sjálfbærni höfð að leiðarljósi. Á Klaustri er taktur lífsins rólegri, þar bjóðast spennandi atvinnutækifæri og möguleikar til útivistar í einstakri náttúrufegurð eru óþrjótandi.

Til staðar er stór og björt nýuppgerð íbúð á hagstæðum kjörum. Laun eru samkvæmt kjarasamningi Sambands íslenskra sveitarfélaga og KÍ. Ráðið er í starfið frá 1. ágúst 2025 eða eftir samkomulagi. Um er að ræða fullt starf

Umsóknum skal fylgja ítarleg starfsferilsskrá ásamt kynningarbréfi þar sem gerð er grein fyrir ástæðu umsóknar ásamt rökstuðningi fyrir hæfi til að sinna starfinu. Umsóknarfrestur er til 10. mars nk.

Umsóknir óskast sendar á www.hagvangur.is ásamt ferilskrá og kynningarbréfi. Nánari upplýsingar veita Hólmfríður G. Guðjónsdóttir, skólastjóri, sími: 664 8235, netfang: [email protected] og Geirlaug Jóhannsdóttir, [email protected].

Auglýsing birt19. febrúar 2025

Umsóknarfrestur10. mars 2025

Tungumálahæfni