Skemmtilegt starf í Keflavík!

IMPORTANT NOTICE: ICELANDIC SPEAKING APPLICANTS ONLY Rúmlega þrítugur karlmaður í Reykjanesbæ leitar eftir drífandi og jákvæðu aðstoðarfólki á aldrinum 25-45 ára. Nauðsynlegt er að umsækjendur hafi náð 25 ára aldri og hafi gott vald á íslensku.

• Um er að ræða tímavinnu/afleysingar.
• Unnið er á kvöld,- og næturvöktum.
• Starfið hentar vel með námi þar sem ekki er um fastar vaktir að ræða.

Einstaklingurinn er eingöngu líkamlega fatlaður og er fær um margt sjálfur. Hann getur staðið uppréttur og gengið með grind á milli staða en þarf alltaf að vera með aðstoðarmann sér við hlið. Hann fer í ræktina og sjúkraþjálfun dags daglega og heldur uppi skemmtilegum samræðum. Hann talar við mann en flest lengri samtöl fara fram á stafaspjaldi.

Hann á 2 börn og hund sem lita lífið alla daga.