Landspítali

Landspítali er lifandi og fjölbreyttur vinnustaður þar sem yfir 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sjúkraliði á skilunardeild

Við viljum ráða áhugasaman og metnaðarfullan sjúkraliða til starfa á skilunardeild Landspítala við Hringbraut. Skilunardeildin er spennandi og faglega krefjandi vinnustaður þar sem unnið er náið með sjúklingum í tæknilegu umhverfi. Á deildinni fer fram blóðskilun en einnig kennsla, þjálfun og eftirlit sjúklinga í kviðskilun, en þessar meðferðir eru lífsnauðsynlegar fyrir einstaklinga með lokastigsnýrnabilun. Starf sjúkraliða á skilunardeild felur í sér mjög fjölbreytta hjúkrun og mikil tækifæri.

Á deildinni starfa um 30 manns í þverfaglegu teymi og góðu starfsumhverfi. Opnunartími deildarinnar er frá kl. 8:00-20:00 virka daga og kl. 8:00-15:00 um helgar. Unnið er á tvískiptum vöktum og bakvaktir eru utan opnunartíma. Skjólstæðingar deildarinnar eru um 100 talsins og á öllum aldri. Nýráðinn sjúkraliði hjá okkur fær góða þjálfun, kennslu og eftirfylgni af reyndu starfsfólki í 8-12 vikur.

Við bjóðum upp á gott starfsumhverfi með fjölskylduvænum vinnutíma, fyrsta flokks mötuneyti og niðurgreiddar máltíðir, nýuppgerða kaffistofu og svalir með rándýru útsýni.

Menntunar- og hæfniskröfur

Íslenskt sjúkraliðaleyfi

Reynsla í starfi sjúkraliða

Faglegur metnaður, sjálfstæði og nákvæmni í vinnubrögðum

Jákvætt viðmót og góð samskiptahæfni

Áhugi á að starfa í krefjandi og fjölbreyttu starfsumhverfi

Góð íslenskukunnátta

Helstu verkefni og ábyrgð

Virk þátttaka í skilunarmeðferð sjúklinga

Ábyrgð á eftirliti og eftirfylgni með sjúklingi í skilunarmeðferð, í samvinnu við hjúkrunarfræðinga

Alhliða hjúkrun sjúklinga með langvinna eða bráða nýrnabilun og fjölskyldur þeirra

Skráning hjúkrunar, í samræmi við gæðaviðmið Landspítala

Þverfagleg teymisvinna

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Sjúkraliðafélag Íslands hafa gert.

Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, Sjúkraliði, hjúkrun

Tungumálahæfni: íslenska 3/5

Nánari upplýsingar

Björg Sigurðardóttir, [email protected], 695-5919

Skilunardeild

Hringbraut

101 Reykjavík

Auglýsing birt8. ágúst 2025

Umsóknarfrestur21. ágúst 2025

Tungumálahæfni

Íslenska

Nauðsyn

Meðalhæfni

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (49)