Leikskólinn Sumarhús

Leikskólinn Sumarhús er nýr leikskóli í Helgafellslandi í Mosfellsbæ og tekur til starfa haustið 2025. Leikskólinn kemur til með að aðhyllast heilsustefnuna þar sem heilsa og vellíðan nemenda, starfsfólks og samfélagsins alls verður í forgrunni. Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

Vinnustaðurinn

Sérkennslustjóri í Sumarhúsum

Leikskólinn Sumarhús, nýr leikskóli í Helgafellslandi í Mosfellsbæ, óskar eftir að ráða sérkennslustjóra til starfa. Leitað er að lausnamiðuðum og ráðagóðum einstaklingi með brennandi áhuga á vellíðan og farsæld barna, framsækinni skólaþróun og framúrskarandi leikskólastarfi.

Í leikskólanum er gert ráð fyrir 150 börnum á aldrinum 1-5 ára og mun skólinn starfa eftir heilsustefnunni þar sem heilsa og vellíðan nemanda, starfsfólks og samfélagsins alls verður í forgrunni. Sköpun og leikurinn eru einnig mikilvægur hlekkur í starfinu og er þetta frábært tækifæri fyrir metnaðarfullan einstakling til að koma að þróun leikskólans frá upphafi.

Helstu verkefni og ábyrgð

Ber ábyrgð á og stjórnar skipulagningu, framkvæmd og endurmati stoðþjónustunnar í leikskólanum í samráði við leikskólastjóra

Vinnur að einstaklingsnámskrá barna sem á þurfa að halda
Er faglegur umsjónarmaður stoðþjónustunnar í leikskólanum, annast frumgreiningu og ráðgjöf til annarra starfsmanna leikskólans
Vinnur í nánu samstarfi við deildarstjóra, foreldra/forráðamenn barna sem njóta stoðþjónustu í leikskólanum og situr fundi og viðtöl með þeim
Stýrir stoðþjónustuteymi leikskólans
Er tengiliður leikskólans við ýmsa fagaðila utan leikskólans
Er tengiliður leikskólans í þjónustu í þágu farsældar barna skv. lögum nr. 86/2021 og tekur þátt í þróun og innleiðingu laganna

Menntunar- og hæfniskröfur

Leyfisbréf til að nota starfsheitið kennari, þroskaþjálfi eða önnur sambærileg menntun
Æskilegt er að umsækjandi hafi framhaldsmenntun í sérkennslufræðum eða öðru því sem nýtist í starfi
Æskilegt er að umsækjandi hafi þekkingu á lögum um farsæld barna
Reynsla af stjórnun er æskileg
Sjálfstæð vinnubrögð, frumkvæði í starfi og faglegur metnaður
Jákvæðni og góð hæfni í mannlegum samskiptum.
Reynsla í starfi með leikskólabörnum
Mjög góð íslenskukunnátta er skilyrði

Fríðindi í starfi

Samgöngustyrkur
Líkamsræktarstyrkur
Sundkort
36 stunda vinnuviku er náð með 38 stunda vinnuframlagi vikulega. Starfsfólk safnar því tveimur stundum vikulega sem nýttir er sem frí á skráningardögum leikskóla Mosfellsbæjar.

Um framtíðarstarf er að ræða og 100% starfshlutfall.

Laun eru samkvæmt kjarasamningi Sambands íslenskra sveitarfélaga og KÍ og FSL.

Umsóknarfrestur er til og með 21.05.2025. Umsókn þarf að fylgja starfsferilskrá og kynningarbréf (hvort tveggja á íslensku) þar sem gerð er grein fyrir ástæðu umsóknar og hæfni umsækjanda sem nýtist í starfi. Auk þess skulu prófskírteini fylgja með umsókninni. Launakjör taka mið af kjarasamningi Sambands íslenskra sveitarfélaga og viðkomandi stéttarfélags. Við hvetjum áhugasöm til að sækja um óháð aldri, kyni, uppruna eða fötlun.

Frekari upplýsingar um starfið veitir Berglind Robertson Grétarsdóttir, leikskólastjóri ([email protected]) eða í síma 525-6700.

Auglýsing birt7. maí 2025

Umsóknarfrestur21. maí 2025

Tungumálahæfni