Fjölskyldusvið

Múlaþing er nýtt sveitarfélag á Austurlandi með rúmlega 5000 íbúum. Undir Fjölskyldusvið Múlaþings heyra félagsmál, fræðslumál, íþrótta- og æskulýðsmál.

Vinnustaðurinn

Ráðgjafi í málefnum fatlaðs fólks

Laus er til umsóknar 100% staða ráðgjafa í málefnum fatlaðs fólks í félagsþjónustu Múlaþings. Ráðið er í stöðuna frá 15. ágúst nk. eða eftir samkomulagi.

Starfskraftur sinnir meðal annars verkefnum tengdum málefnum fatlaðs fólks, bæði börnum, fullorðnum og fjölskyldum þeirra, samþættingu í þjónustu farsældar barna, almennri félagslegri ráðgjöf sem og örðum þeim störfum sem almennt tilheyra sviðinu.

Næsti yfirmaður er félagsmálastjóri.

Helstu verkefni og ábyrgð

Margþætt aðstoð og stuðningur við þjónustunotendur.
Tilsjón, ráðgjöf og stuðningur á heimilum.
Málstjóri í samþættingu þjónustu í þágu farsældar barna og þátttaka í teymi innan Austurlandslíkansins.
Skipuleggur og hefur umsjón með stuðningsþjónustu fyrir fötluð börn og fjölskyldur þeirra og gerir einstaklingsbundnar þjónustuáætlanir og/ eða stuðningsáætlanir.
Þverfagleg teymisvinna og samstarf við fatlað fólk, aðstandendur og aðra er veita einstaklingnum þjónustu.
Situr í stuðningsteymi einstaklinga með langvarandi stuðningsþarfir samkvæmt lögum þar um.

Menntunar- og hæfniskröfur

Gerð er krafa um að viðkomandi hafi háskólamenntun á viðurkenndu fagsviði sem nýtist í starfi s.s. þroskaþjálfun, iðjuþjálfun.
Þekking og reynsla af félagsþjónustu, málefnum fatlaðs fólks, stuðningsþarfa barna og ungmenna.
Geta og vilji til samvinnu og hæfni til að starfa í teymi og hugsa í lausnum.
Reynsla af starfi í opinberri stjórnsýslu er kostur.
Góð alhliða tölvukunnátta, þekking á OneSystems er kostur
Frumkvæði og sjálfstæði í vinnubrögðum.
Góðir samskiptahæfileikar og hæfni til að tjá sig í ræðu og riti á íslensku og ensku.
Hreint sakavottorð.
Bílpróf.

Fríðindi í starfi

Styttri vinnuvika, heilsueflingarstyrkur.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags.

Umsóknarfrestur er til og með 30. maí 2025. Umsókn ásamt starfsferilsskrá og kynningarbréf skulu berast í gegnum ráðningavef sveitarfélagsins hjá Alfreð.

Nánari upplýsingar um starfið veita Anna Alexandersdóttir, staðgengill félagsmálastjóra, á netfanginu [email protected] og Guðbjörg Gunnarsdóttir á netfanginu [email protected] eða í síma 4700700.

Tekið er mið af jafnréttisáætlun Múlaþings við ráðningar í störf hjá sveitarfélaginu. Vinnustaðir Múlaþings eru reyklausir og fjölskylduvænir.

Þeir sem ráðnir eru til starfa hjá félagsþjónustu þurfa að veita heimild til að leitað sé upplýsinga úr sakaskrá hjá Ríkissaksóknara.

Umsækjendum er bent á að kynna sér fræðslubréf um vinnslu Múlaþings á persónuupplýsingum starfsumsækjenda, sem finna má á heimasíðu sveitarfélagsins www.mulathing.is.

Auglýsing birt16. maí 2025

Umsóknarfrestur30. maí 2025

Tungumálahæfni