Sérfræðingur í þróun notendalausna

Advania leitar að lausnamiðuðum sérfræðingi í þróunarteymi notenda- og útstöðvaþjónustu.

Þróunarteymið er sérfræðihópurinn á bakvið framlínuna. Teymið vinnur þétt með framlínunni ásamt öðrum þróunarteymum Advania. Teymið ber tæknilega ábyrgð á þjónustukerfum og ferlum sem deildin rekur og þróar ásamt því að sinna innleiðingum, flóknari verkefnum og styðja við framlínuna. Mikil áhersla er lögð á að nýta Microsoft 365, Intune og Defender til þess að halda úti stöðugu, öruggu og notendavænu rekstrarumhverfi.

Fyrir liggja spennandi verkefni í innleiðingum, hönnun og uppsetningu útstöðva umhverfa og stöðugri framþróun á þeirri þjónustu, kerfum og ferlum sem notuð eru við þjónustuveitinguna.

Helstu verkefni

• Framþróun á þeirri þjónustu, kerfum og ferlum sem notuð eru við notenda- og útstöðvarþjónustu, m.a. með sjálfvirknivæðingu og stöðlun
• Innleiðing viðskiptavina í notenda- og útstöðvarþjónustu
• Rekstur, stýring uppfærslna og öryggi útstöðva
• Umsjón með útstöðvavernd og aðgangsvernd
• Hugbúnaðardreifing og uppfærsla forrita
• Fjarþjónusta og aðstoð við notendur, m.a. með skjádeilingu, í gegnum spjall, þjónustubeiðnir og síma

Hæfniskröfur

• Framsækni, áhugi og frumkvæði á að bæta og þróa áfram þjónustu, kerfi og ferla
• Áhugi á upplýsingatækni, notendaþjónustu og öryggismálum
• Góð þekking á Windows, Microsoft 365, Intune og öðrum algengum notendahugbúnaði
• Reynsla af rekstri útstöðva og innleiðingum tækja
• Þekking og reynsla á Powershell
• 3+ ára reynsla af sambærilegu starfi
• Nám í tölvunarfræði, kerfisstjórnun eða önnur menntun sem nýtist í stafi
• Vottuð þekking á sviði Microsoft lausna er kostur
• Góð enskukunnátta
• Framúrskarandi þjónustulund

Við hvetjum öll kyn til að sækja um hjá okkur.

Hjá Advania munt þú

• Starfa með skemmtilegum hóp af fólki með áralanga reynslu í IT
• Vinna að lausn vandamála
• Hafa tækifæri til að vaxa og auka þekkingu þína
• Starfa á vinnustað sem leggur mikið upp úr sveigjanleika hvað varðar fjarvinnu / staðvinnu.
• Vera í samskiptum við fjölbreyttan hóp viðskiptavina sem gera daginn litríkan og skemmtilegan
• Hafa aðgang að fjölbreyttu klúbba og félagsstarfi innan fyrirtækisins
• Hafa aðgang að kaffihúsi Advania, glæsilegu mötuneyti og líkamsræktarstöð
• Starfa hjá fyrirtæki sem er umhugað um kolefnisspor sitt, jafnrétti kynja og sjálfbærni