Laus störf Hæfnileit Vinnustaðir Námskeið

Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með yfir 50 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa yfir 5000 sérfræðingar í upplýsingatækni.

Vinnustaðurinn

Söluráðgjafi í viðskiptalausnum

Við leitum að metnaðarfullum og drífandi söluráðgjafa sem vill vinna á krossgötum viðskipta, tækni og nýsköpunar.

Tækniþróun undanfarinna ára hefur breytt því hvernig fyrirtæki starfa, taka ákvarðanir og skapa sér samkeppnisforskot. Fyrirtæki leita í auknum mæli leiða til að einfalda ferla og nýta tæknina betur til að búa til raunverulegan rekstrarávinning. Þar gegna gervigreind, sjálfvirknivæðing og gagnadrifin ákvarðanataka sífellt veigameira hlutverki.

Hlutverk söluráðgjafa verður að hjálpa fyrirtækjum að hagnýta snjallar tæknilausnir, þar á meðal:

Dynamics 365 Business Central
Power Platform (Power Apps, Power Pages, Power Automate, Power BI og Copilot Studio)
Gagnagreindarlausnir (vöruhús gagna, áætlanakerfi o.fl.)
SharePoint
Mannauðslausnir Advania (H3, Samtal, Vinnustund o.fl.)

Starfið felst í söluráðgjöf, kynningum, gerð tilboða og samninga, auk virkra og markvissra samskipta við nýja og núverandi viðskiptavini. Mikilvægt er að viðkomandi hafi áhuga á upplýsingatækni og mannlegum samskiptum.

Hæfniskröfur

Háskólamenntun eða önnur menntun sem nýtist í starfi
Þekking og reynsla af sölu og/eða þjónustu á hugbúnaðarlausnum og viðskiptakerfum er kostur
Hæfni í framkomu og kynningum
Gott vald á töluðu og rituðu máli
Sjálfstæð og skipulögð vinnubrögð
Lipurð og hæfni í mannlegum samskiptum
Frumkvæði og áhugi á að þróa og rækta ný viðskiptasambönd

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 24. ágúst 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Sigfús Jónasson, deildarstjóri VL sala, [email protected] / 4409000.

Auglýsing birt10. ágúst 2026

Umsóknarfrestur24. ágúst 2026

Tungumálahæfni