Laus störf Hæfnileit Vinnustaðir Námskeið

Deloitte

Hjá okkur starfa löggiltir endurskoðendur, viðskiptafræðingar, lögfræðingar, fjármálafræðingar, verkfræðingar, tölvunarfræðingar, kerfisfræðingar, fjármálaverkfræðingar, alþjóðafræðingar, markaðsfræðingar, margmiðlunarhönnuðir, félagsfræðingur, stjórnmálafræðingur, húsasmiður, viðurkenndir bókarar og svo mætti lengi telja. 85% starfsmanna er með grunnmenntun úr háskóla, 43% með meistaragráðu.

Vinnustaðurinn

Ráðgjafi í netöryggisteymi Deloitte

Við leitum að metnaðarfullum einstaklingi með brennandi áhuga á netöryggi, þar á meðal regluverki, áhættustýringu og stjórnarháttum, til að styrkja vaxandi netöryggisteymi okkar.

Við veitum heildstæða netöryggisráðgjöf með áherslu á reglufylgni, úttektir og eftirlit á sviði netöryggis, áhættustýringu ásamt uppbyggingu öflugra stjórnarhátta og öryggisráðstafana. Við leitum að einstaklingi sem hugsar í lausnum, er tilbúinn að bretta upp ermar og taka virkan taka þátt í að greina ferla og verklag og efla netöryggi og netöryggisvarnir viðskiptavina.

Helstu verkefni og ábyrgð

Meðal verkefna sem netöryggisráðgjöf sinnir eru eftirfarandi: 

Úttektir, gloppugreiningar og mat á fylgni við lög, reglur, stjórnunarkerfi eða innra verklag s.s. DORA, NIS2 og ISO27001

Alhliða ráðgjöf og stefnumótun á sviði netöryggis og rekstrarsamfellu m.a. til að þróa og bæta netöryggisverklag

Mat á stjórnarháttum og stöðu netöryggisráðstafana

Áhættumat, áhættustýring og greining netöryggisáhættu

Stjórnendaþjálfun og fræðsla

Sem hluti af netöryggisteymi Deloitte muntu aðstoða viðskiptavini við að innleiða, efla og fylgja netöryggiskröfum og styðja þá í gegnum áskoranir sem leiða af breyttum netógnum og rekstrarumhverfi ásamt því að vinna að bættum viðnámsþrótti og rekstrarsamfellu.  

Hjá Deloitte færð þú tækifæri til að vera hluti af öflugu netöryggissamfélagi á alþjóðavísu, vinna með leiðandi fyrirtækjum og stofnunum, kynnast fjölbreyttum atvinnugreinum og taka þátt í netöryggisverkefnum sem skipta sköpum fyrir rekstrarsamfellu og traust viðskiptavina. 

Menntunar- og hæfniskröfur

Háskólamenntun eða sambærileg reynsla sem nýtist í starfi

Þekking og reynsla af netöryggismálum, regluverki og/eða stjórnunarkerfum netöryggis

Hæfni til að greina flókin verkefni af öryggi og aðlagast hratt nýjum áskorunum

Mjög góð samskiptafærni og vilji til samvinnu

Fagmennska, sjálfstæði og vönduð vinnubrögð

Hæfni í að setja fram skýran, hnitmiðaðan og faglegan texta og miðla upplýsingum á skiljanlegan hátt

Gott vald á íslensku og ensku, bæði töluðu og rituðu máli

Metnaður til að veita framúrskarandi þjónustu og skapa góða upplifun fyrir viðskiptavini

Áhugi á gervigreind, áhættustýringu og innri/ytri úttektum

Viðeigandi vottanir (ISO27001; CISSP, CISA, CISM, Security+  eða sambærilegar vottanir) eru kostur

Fríðindi í starfi

Frábært mötuneyti með niðurgreiddum morgunmat og hádegismat.
Veglegan líkamsræktarstyrk, virkt starfsmannafélag og gott félagslíf
Góðan aðbúnað í höfuðstöðvum okkar á Dalvegi
Styrki til nýbakaðra foreldra
Sjálfboðastarf til áhrifa – launaður dagur til að sinna sjálfbærniverkefnum
Fjölbreytt áhugamál samstarfsfélaga þvert á félagið t.d. hlaupahópur, fótbolti í hádeginu og leikjaherbergi

Deloitte er leiðandi þjónustuveitandi á sviði endurskoðunar og reikningsskila, upplýsingatækniráðgjafar, fjármálaráðgjafar, áhætturáðgjafar, skatta– og lögfræðiráðgjafar og tengdrar þjónustu. Alþjóðlegt net aðildarfélaga okkar og tengdra félaga spannar meira en 150 lönd og landsvæði (sameiginlega vísað til sem „félög Deloitte"). Hjá Deloitte starfa um 460.000 sérfræðingar sem stefna saman að því að veita ávallt framúrskarandi þjónustu þar af eru 360 á Íslandi.

Um teymið 

Netöryggisteymið samanstendur af reynslumiklum sérfræðingum með fjölbreyttan bakgrunn og reynslu. Við vinnum saman sem ein heild og eigum í góðu samstarfi við  aðra sérfræðinga Deloitte, bæði innanlands og erlendis.      

Starfsþróun þín 

Við trúum því að það sé ávallt rými til að læra. Það kann enginn allt frá fyrsta degi. Þú færð viðeigandi þjálfun og munt vaxa með teymunum okkar. Þú lærir mikið á þeim fjölbreyttu verkefnum sem þú tekur að þér hjá viðskiptavinum í ólíkum geirum, þú fylgist vel með á þínu fagsviði og við að sama skapi viljum styðja við þinn vöxt með símenntunartækifærum. 

Við hlökkum til að fá umsóknina þína.

Nánari upplýsingar um starfið veita Alma Tryggvadóttir ([email protected]) sem leiðir netöryggisráðgjöf Deloitte og Hafdís Björk Stefánsdóttir í mannauð.  ([email protected]).

Æskilegt er að umsækjendur geti hafið störf sem fyrst. Tekið er á móti umsóknum í gegnum heimasíðu Deloitte, www.deloitte.is, til og með 17. ágúst 2026. 

Auglýsing birt5. ágúst 2026

Umsóknarfrestur17. ágúst 2026

Tungumálahæfni