Laus störf Hæfnileit Vinnustaðir Námskeið

Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

Vinnustaðurinn

Lögfræðingur á sviði hugverkaréttar

Laust er til umsóknar, tímabundið til tveggja ára, fullt starf hugverkalögfræðings við vísinda- og nýsköpunarsvið Háskóla Íslands. Meginmarkmið vísinda- og nýsköpunarsviðs er að efla rannsóknir við Háskóla Íslands með almennum stuðningi við rannsókna- og vísindastarf skólans.

Helstu verkefni og ábyrgð

Yfirlestur, umsjón og gerð samninga, m.a. hugverkaréttarsamninga, nytjaleyfissamninga, samstarfssamninga, trúnaðarsamninga o.fl.
Úrlausn lögfræðilegra álitaefna er tengjast samningum, hugverkarétti, félagarétti, sjóðasókn o.fl.
Umsjón með einkaleyfisumsóknum
Verkefnastjórn fyrir hugverkanefnd Háskóla Íslands og LHS, m.a. sjá um skipulag, fundargerðir, ársskýrslu o.fl.
Gerð ferla og leiðbeininga til rannsakenda og hagaðila vegna hugverkaréttamála
Þátttaka í fræðslu varðandi samninga og hugverkarétt fyrir starfsfólk og sprotafyrirtæki
Ráðgjöf, samskipti og samstarf við rannsakendur, sprotafyrirtæki og aðra hagaðila
Þátttaka í stefnumótun varðandi nýsköpun og hugverkamál háskólans

Menntunar- og hæfniskröfur

Meistarapróf í lögfræði
Starfsreynsla af hugverkarétti og félagarétti
Reynsla af samingagerð er kostur
Reynsla af nýsköpunarumhverfi á Íslandi er kostur
Nákvæmni, frumkvæði, sjálfstæði og geta til að vinna að mörgum verkefnum á sama tíma
Hæfni til að koma frá sér efni í ræðu eða riti
Góð íslensku- og enskukunnátta
Hæfni í mannlegum samskiptum, sveigjanleiki og rík þjónustulund

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Nánari upplýsingar veitir

Halldór Jónsson - [email protected]

Auglýsing birt4. ágúst 2026

Umsóknarfrestur14. ágúst 2026

Tungumálahæfni