Umhverfis- og orkustofnun

Umhverfis- og orkustofnun tók til starfa 1. janúar 2025. Stofnunin tók við starfsemi Orkustofnunar og hluta af starfsemi Umhverfisstofnunar. Umhverfis- og orkustofnun fer með stjórnsýslu loftslags-, umhverfis- og orkumála og málefni auðlindanýtingar. Þar á meðal eru verkefni í fjölbreyttum málaflokkum: Efnamál Eftirlit Haf og vatn Hringrásarhagkerfi Loftgæði Loftslags- og orkusjóður Losunarheimildir Orkuskipti Orkunýtni Starfsemin fer fram á sex starfsstöðvum um allt land en bæði á Borgum á Akureyri og á Suðurlandsbraut í Reykjavík er starfað í verkefnamiðuðu vinnuumhverfi. Starfsstöðvarnar okkar eru: Akureyri, Mývatnssveit, Egilsstaðir, Selfoss, Reykjavík og Hvanneyri.

Vinnustaðurinn

Sérfræðingur í teymi orkuskipta og orkunýtni

Umhverfis- og orkustofnun leitar að öflugum og metnaðarfullum sérfræðingi til liðs við teymi orkuskipta og orkunýtni á sviði orkuskipta og hringrásarhagkerfis. Starfið felst í fjölbreyttum verkefnum tengdum orkuskiptum og orkunýtni, m.a. greiningu gagna, framfylgd regluverks, þátttöku í stefnumótandi verkefnum og samstarfi við ráðuneyti og hagaðila.

Við leitum að einstaklingi sem hefur áhuga á að nýta þekkingu sína í þágu sjálfbærrar þróunar og vill taka virkan þátt í mikilvægu umbreytingarstarfi á sviði orkumála.

Helstu verkefni og ábyrgð

· Öflun, vinnsla og greining gagna um orkuskipti og orkunýtni

· Framfylgd regluverks um endurnýjanlegt eldsneyti

· Þátttaka í gerð orkuspáa og sviðsmyndagreininga

· Samstarf við teymi losunarbókhalds

· Innlent og alþjóðlegt samstarf á sviði orkuskipta og orkunýtni

· Önnur verkefni innan teymis eftir því sem þörf krefur

Menntunar- og hæfniskröfur

· Háskólamenntun sem nýtist í starfi (s.s. hagfræði, verkfræði eða skyldar greinar)

· Þekking og/eða reynsla á sviði orkumála og gagnagreininga er kostur

· Hæfni í að miðla upplýsingum

· Reynsla af teymisvinnu er kostur.

· Gott vald á íslensku og ensku bæði í ræðu og riti

· Góð samskiptahæfni, sveigjanleiki og sjálfstæði í vinnubrögðum

· Þekking á opinberri stjórnsýslu er kostur

· Haldbær þekking á einu Norðurlandamáli er kostur

Spennandi vinnuumhverfi í nýrri stofnun

Umhverfis- og orkustofnun er ný stofnun sem fer með stjórnsýslu og eftirlit auk annarra verkefna á sviði loftslags-, umhverfis- og orkumála og málefna auðlindanýtingar. Stofnunin tók til starfa 1. janúar við sameiningu Orkustofnunar og hluta Umhverfisstofnunar.

Verkefni nýrrar stofnunar eru fjölbreytt og starfsumhverfið er metnaðarfullt. Við viljum laða að öflugt fagfólk sem leggur áherslu á stöðugar umbætur og stafræna þróun. Umhverfis- og orkustofnun leggur áherslu á heilsu, öryggi og vellíðan og góð skilyrði fyrir starfsfólk til að þróast og eflast í starfi. Við erum með 36 stunda vinnuviku og sveigjanlegan vinnutíma. Starfsaðstaða er víðast í verkefnamiðuðu vinnuumhverfi og áhersla er lögð á bjóðandi andrúmsloft fyrir allt starfsfólk. Sjá nánari upplýsingar um Umhverfis- og orkustofnun á uos.is.

Hvar má bjóða þér að vinna?
Umhverfis- og orkustofnun starfar á sex starfsstöðvum um landið. Valið stendur um Akureyri, Mývatnssveit, Egilsstaði, Selfoss, Reykjavík og Hvanneyri.

Næsti yfirmaður sérfræðingsins er Sigurður Ingi Friðleifsson sviðsstjóri, en Jón Ásgeir Haukdal Þorvaldsson teymisstjóri veitir einnig nánari upplýsingar um starfið auk Þóru Margrétar Pálsdóttur Briem mannauðsstjóra í síma 569 6000.

Laun eru samkvæmt kjarasamningi fjármála- og efnahagsráðherra og hlutaðeigandi stéttarfélags.

Umsókn um starfið er skilað inn í gegnum umsóknarkerfi 50skills og umsókn þarf að fylgja ferilskrá og kynningarbréf á íslensku, þar sem gerð er grein fyrir ástæðu umsóknar og hæfni umsækjanda í starfið.

Umsóknarfrestur er til og með 12. maí

TIL AÐ SÆKJA UM SMELLIÐ HÉR

ATH!! Einungis er tekið við umsóknum á 50skills en ekki í gegnum Starfatorg, vinsamlegast notið hlekkinn hér að ofan.

Gagnkvæmur reynslutími er sex mánuðir við ráðningu. Æskilegt er að sérfræðingurinn geti hafið störf sem fyrst. Umsóknir geta gilt í 6 mánuði frá því að umsóknarfrestur rennur út.

Við hvetjum áhugasöm til að sækja um, óháð kyni og uppruna.

Auglýsing birt15. apríl 2025

Umsóknarfrestur12. maí 2025

Tungumálahæfni