Sérfræðingur í viðskiptagreind

Hefur þú gott vald á greiningu gagna, sterkan skilning á fjármálum og brennandi áhuga á rekstri fyrirtækja. Öryggismiðstöð Íslands leitar að öflugum sérfræðing í viðskiptagreind á fjármálasvið félagsins. Við leitum að lausnarmiðuðum, sjálfstæðum og metnaðarfullum einstakling sem hefur þekkingu á greiningu gagna og framsetningu þeirra fyrir ákvörðunartöku í rekstri fyrirtækja.

Starfið er framtíðarstarf á samhentum, traustum og metnaðarfullum vinnustað.

Helstu verkefni

• Kostnaðar- og arðsemisgreining

• Skýrslugjöf og greiningar til stjórnenda

• Hönnun og þróun á mælaborðum þvert á deildir fyrirtækisins

• Þróun sjálfvirkra lausna fyrir gagnasöfnun og úrvinnslu

Menntunar- og hæfniskröfur

• Háskólapróf í verkfræði, tölvunarfræði, fjármálum eða sambærilegum greinum

• Þekking í gagnagrunnsforritun

• Góð færni í Excel

• Gott vald og þekking á Power BI

• Geta til að setja fram gögn á skýran hátt

• Sjálfstæði í vinnubrögðum

• Brennandi áhugi á rekstri fyrirtækja

Umsóknarfrestur er til 25.05.2025

Umsókn með ferilskrá skal senda inn í gegnum ráðningarvef okkar https://oryggi.umsokn.is/. Nánari upplýsingar um starfið veitir Einar Helgi Ragnarsson Deildarstjóri Fjármála- og rekstrarsviðs, [email protected]

Farið verður með allar umsóknir sem trúnaðarmál. Vakin er athygli á því að starfsmenn Öryggismiðstöðvarinnar þurfa að skila inn sakavottorði.

Um Öryggismiðstöðina

Öryggismiðstöðin er framsækið þjónustufyrirtæki sem býður upp á fjölbreyttar lausnir og þjónustu í öryggis-og velferðartækni, fyrir einstaklinga og fyrirtæki.

Hjá Öryggismiðstöðinni starfar öflugur hópur sérfræðinga sem býr yfir brennandi áhuga, faglegri þekkingu og mikilli reynslu af þjónustu við viðskiptavini. Við leggjum ríka áherslu og metnað í gæði ráðgjafar við val á lausnum. Hornsteinar þjónustu okkar er öflug tækniþjónusta ásamt rekstri vaktmiðstöðvar til móttöku viðvörunarboða og útkallsþjónusta öryggisvarða allan sólarhringinn, alla daga ársins.

Við leggjum áherslu á vandaða og persónulega þjónustu með gildi fyrirtækisins að leiðarljósi, forystu, umhyggju og traust.