Laus störf Hæfnileit Vinnustaðir Námskeið

Rauði krossinn á Íslandi

Rauði krossinn á Íslandi er hluti af stærstu mannúðar- og hjálparsamtökum heims. Allt starf Rauða krossins miðar að því að bregðast við og aðstoða þar sem neyðin er mest. Landsfélög Rauða krossins og Rauða hálfmánans veita aðstoð og dreifa hjálpargögnum í hverju landi fyrir sig. Þannig tryggir Rauðakrosshreyfingin að hjálpin komist beint til skila til þeirra hópa sem mest þurfa á aðstoð að halda. Landsfélög Rauða krossins og Rauða hálfmánans eru 190 en einungis eitt Rauða kross félag má starfa í hverju landi. Saman mynda Alþjóðaráð Rauða krossins, Alþjóðasambandið og landsfélögin, alþjóðahreyfingu Rauða krossins og Rauða hálfmánans.

Vinnustaðurinn

Sérfræðingur í skyndihjálp

Rauði krossinn á Íslandi óskar eftir jákvæðum og framsýnum sérfræðingi í skyndihjálp. Starfið hentar vel skipulögðum einstaklingi sem hefur ríka þjónustulund og áhuga á að stuðla að öryggi og velferð samfélagsins.

Sérfræðingur í skyndihjálp tilheyrir fjáröflunar- og kynningarsviði Rauða krossins og ber sá aðili ábyrgð á að tryggja gæði og samræmi í námskeiðahaldi, styður við samstarfsfólk sitt í teyminu og leiðbeinendur. Viðkomandi kemur að þróun og nýsköpun í fræðslu og kennsluaðferðum sem og samskiptum og sölu við viðskiptavini, fyrirtæki o.s.frv.

Um fullt starf er að ræða.

Helstu verkefni og ábyrgð

Sala og kynning á skyndihjálp
Tryggja gæði, fagmennsku og samræmi í námskeiðahaldi í skyndihjálp
Utanumhald á skráningu og réttindamálum leiðbeinenda í skyndihjálp
Stuðla að þróun námskeiða, kennsluhátta og stafrænna lausna
Umsjón með umbótaverkefnum, gæðavinnu og þróun námsefnis

Menntunar- og hæfniskröfur

Menntun sem nýtist í starfi (leiðbeinendaréttindi í skyndihjálp frá Rauða krossinum æskileg).
Góð almenn tölvukunnátta.
Reynsla af starfi með sjálfboðaliðum, félagasamtökum eða samfélagsverkefnum er kostur.
Frumkvæði, skipulögð vinnubrögð og hæfni til að vinna sjálfstætt.
Framúrskarandi hæfni í samskiptum og þjónustulund
Sveigjanleiki
Gott vald á íslensku og ensku í ræðu og riti.

Við bjóðum upp á: